Festa e Fitër Bajramit, presidenti Begaj uron shqiptarët: Qoftë një ditë gëzimi dhe solidariteti për të gjithë 19/03 19:01
Kryetari i Partisë Mundësia, Agron Shehaj ka njoftuar se ka firmosur një kërkesë për interpelancë me zv.kryeministren lidhur me situatën e pronave në Rrjoll, duke denoncuar atë që e cilëson si grabitje të hapur të pronës së banorëve.
Përmes një videoje të publikuar në rrjetet sociale, Shehaj deklaron se prona është e shenjtë. Kryetari i Mundësia akuzon zyrtarë të lartë se po u marrin tokat qytetarëve, ndërsa shteti, sipas tij, është rreshtuar në krah të grabitësve dhe jo të pronarëve legjitimë.
Fjala e Agron Shehaj:
Sapo firmosa një kërkesë për interpelancë me zv. kryeministren në lidhje me pronat e banorëve të Rrjollit. Zyrtarë të lartë, politikanë të korruptuar dhe oligarkë të lidhur me ta u kanë rrëmbyer pronën.
Ata kanë një muaj që po protestojnë dhe shteti, në vend që të jetë në krah të banorëve, është në krah të atyre që i kanë rrëmbyer pronën, që po u mohojnë të drejtën e pronës. Prona është e shenjtë!
Partia Mundësia është në krah të protestuesve dhe të pronarëve legjitimë. Kjo është arsyeja pse do t’i kërkoj llogari zv. kryeministres se si është e mundur që shteti është me rrëmbyesit e pronave.
Top Channel
