Europa League/ Gola dhe dramë në Olimpico, Bolonja eliminon Romën 19/03 23:48
Përbërja e delegacionit zyrtar që udhëtoi në Gjermani, shkaktoi edhe njëherë debat mes maxhorancës dhe opozitës.
Partia Demokratike reagoi duke thënë se kishte propozuar Tomor Alizotin dhe Klevis Balliun si pjesë të opozitës në delegacion, ndërsa kreu i Kuvendit kishte marrë si përfaqësues të pakicës Redi Muçin e Lëvizjes Bashkë dhe Edmond Haxhinaston e Partisë së Lirisë.
Megjithëse partia e tij ishte e përfaqësuar në këtë delegacion, kreu i Partisë së Lirisë, Ilir Meta reagoi nga selia e paraburgimit, duke quajtur të turpshëm përjashtimin e PD-së në delegacion.
“Përjashtimi nga delegacioni zyrtar parlamentar, i grupit kryesor opozitar të Partisë Demokratike është një akt i turpshëm që tregon qartë, mungesën e vullnetit për përfaqësimin gjithëpërfshirës të Kuvendit të Shqipërisë, aq më tepër në këto momente të rëndësishme edhe në Gjermani. Është një akt i neveritshëm diversioni, që dëshmon se mazhoranca e “Diellave” e ka zëvendësuar dialogun politik me uzurpimin e institucioneve”, shkruan Meta.
Sipas tij “ky akt kaq i ulët u tregon partnerëve ndërkombëtarë, gjendjen në të cilën ndodhet Kuvendi i prodhuar nga krimi. Pasi i hoqën opozitës, për herë të parë pas dy dekadash, kryesimin e Komisionit të Integrimit, tani kanë vendosur t’i heqin edhe të drejtën legjitime të përfaqësimit”.
Top Channel
