LIVE/ SHBA godet “xhevahirin” e naftës iraniane, Teherani sulmon ambasadën amerikane në Irak. Trump thirrje Britanisë: Dërgoni anije në Hormuz 14/03 22:50
Në Evropën mesjetare, aristokratët shpesh krijonin trende dhe ‘skandale’ në modë duke veshur këpucë me majë shumë të theksuar dhe shpesh në numra më të mëdhenj se numri real i këmbës.
Në Zyrën Ovale të presidentit amerikan Donald Trump, këtë javë vëmendjen e publikut e tërhoqën Rubio dhe JD Vance.
Fotot e Sekretarit të Shtetit Marco Rubio dhe Zëvendëspresidentit JD Vance i tregojnë ata të veshur me këpucë të zeza, në të cilat vihet re numri i tyre i madh në krahasim me këmbë.
Sipas raportimeve Trump ka filluar t’u dhurojë zyrtarëve të tij këpucë të reja, konkretisht modele Oxford të markës Florsheim.
Megjithatë, eksperti i veshjeve për meshkuj Josh Peskowitz tha se këpucët e veshura nga Rubio dhe Vance janë “qartësisht shumë të mëdha” krahasuar me masën e këmbës.
Sipas raportimeve, Vance ka treguar se ai, Rubio dhe një politikan tjetër i paidentifikuar i kanë dhënë presidentit numrat e këpucëve të tyre: 13, 11.5 dhe 7.
“Mund të kuptosh shumë për një burrë nga numri i këmbës së tij”, ka deklaruar Trump.
Megjithatë, ekspertët theksojnë se madhësia e këpucës nuk garanton gjithmonë përshtatjen e duhur. Edhe pse pajisja e matjes Brannock përdoret për të përcaktuar madhësinë e këmbës, madhësitë e këpucëve për meshkuj shpesh ndryshojnë nga një markë në tjetrën.
Ekspertët e modës thonë se ndryshimet në madhësi mund të vijnë nga standardet e ndryshme të prodhuesve, vendi i prodhimit apo edhe stili i këpucës. Këpucët formale prej lëkure, për shembull, zakonisht shtrihen me përdorimin, ndërsa atletet sportive shpesh kërkojnë më shumë hapësirë.
Edhe pse Florsheim dikur prodhohej në SHBA, marka sot prodhon në vende si Kamboxhia, Kina, India, Meksika dhe Republika Dominikane. Megjithatë, ekspertët thonë se modelet e saj zakonisht i përmbahen madhësisë standarde.
Në fund, mbetet e paqartë pse këpucët e Rubio dhe Vance dukeshin kaq të mëdha: nëse ishte një gabim në zgjedhjen e madhësisë, një preferencë personale apo thjesht një problem prodhimi.
Top Channel
