Tensionet në Lindjen e Mesme, Rusia shpreh gatishmërinë për qetësimin e situatës: Të gjejmë mënyra për të zgjidhur krizën 12/03 22:44
Farooq Abdullah, ish-kryeministër i indian i rajonit të Kashmir dhe udhëheqës i Partisë Kombëtare të Jammu dhe Kashmirit, shpëtoi mrekullisht gjatë një ceremonie martesore në Jammu, ku një person u përpoq ta qëllonte nga afër.
Pamjet e sigurisë treguan momentin kur Kamal Singh Jambal, atentatori qëlloi me armë nga një distancë shumë e afërt, por plumbi nuk e goditi Abdullahin.
Sipas mediave lokale, 65-vjeçari deklaroi se kishte pritur mbi 20 vjet për këtë moment dhe nuk tregoi pendesë.
Kryeministri aktual i rajonit, Omar Abdullah, konfirmoi incidentin në rrjetet sociale, duke theksuar se babai i tij shpëtoi “për një fije peri” dhe ngriti pyetje mbi sigurinë, pasi Abdullah ruhet me mbrojtje Z+, një nga nivelet më të larta të sigurisë në Indi.
Allah is kind. My father had a very close shave. The details are sketchy at the moment but what is known is that a man with a loaded pistol was able to get within point blank range & discharge a shot. It was only the close protection team that deflected the shot & ensured that… https://t.co/hYBe64Eigl
— Omar Abdullah (@OmarAbdullah) March 11, 2026
Gjatë sulmit, Farooq Abdullah ishte i shoqëruar nga zv/kryeministri Surinder Kumar Choudhary dhe këshilltari Nasir Sogami, të cilët konfirmuan se askush nuk u lëndua.
Policia vazhdon hetimet për motivet e sulmuesit dhe mënyrën se si arriti të afrohej kaq pranë politikanit. Raportimet paraprake sugjerojnë se Kamal Singh Jambal mund të ketë pasur motive personale.
Top Channel
