Nafta, lufta dhe Ngushtica e Hormuzit, analiza nga REL: A mund t’i mbrojë Uashingtoni tregjet globale të energjisë nga Irani? 12/03 09:24
Dy anije cisterna të huaja që transportonin karburant janë sulmuar në ujërat irakiane në Gjirin Persik gjatë natës së kaluar, duke shkaktuar zjarre në të dyja anijet dhe duke vrarë një marinar, ndërsa operacionet e kërkim-shpëtimit janë duke u zhvilluar për të gjetur të zhdukurit.
Sipas drejtorit të Autoritetit Portual Irakian, Farhan al-Fartoush, autoritetet deri më tani kanë evakuuar 38 anëtarë të ekuipazhit.
Rrjeti televiziv Al-Ikhbariya transmetoi pamje që tregonin një anije në det, me tym të dendur dhe flakë që ngriheshin prej saj. Në një tekst të transmetuar në të njëjtën kohë, rrjeti iu referua “vdekjes së një anëtari të ekuipazhit” të njërës prej dy anijeve, duke cituar zyrtarin irakian.
According to an Iraqi port official, two foreign tankers carrying Iraqi fuel oil were attacked within the territorial waters of Iraq within the last hour, causing both to catch fire in the Persian Gulf. A total of 25 crewmembers onboard the vessels have been evacuated so far by… pic.twitter.com/xBCHI09Txs
— OSINTdefender (@sentdefender) March 11, 2026
Rrethanat në të cilat ndodhi sulmi nuk janë sqaruar deri më tani, ndërsa nuk janë dhënë ende as detaje të mëtejshme rreth identitetit të anijeve.
Ky zhvillim vjen pas raportimeve se tre anije ishin sulmuar në të njëjtën zonë.
Një nga këto sulme shkaktoi zjarr në një anije, duke detyruar shumicën e ekuipazhit të saj të braktiste anijen për arsye sigurie.
Informacioni rreth këtyre incidenteve përforcon shqetësimet në lidhje me sigurinë e lundrimit në Gjirin Persik, një nga korridoret më të rëndësishme detare të energjisë në botë.
Top Channel
