LIVE/ Lufta në Lindjen e Mesme, sulmohet anija e mallrave në Ngushticën e Hormuzit. Irani godet fqinjët. Meloni: Nuk futemi në luftë

Prej 12 ditësh, banorët e Iranit dhe Libanit po zgjohen nën zhurmën e sulmeve. Izraeli ka lëshuar një paralajmërim për banorët e jugut të Bejrurit, kryeqytetit libanez, për evakuim pasi do të ketë operacione ushtarake gjatë ditës.

13:02 Sulmet nga Irani dhe Hezbollahu, ministri Hoxha telefonatë me homologun izraelit: Shqipëria në solidaritet të plotë me popullin tuaj

Ministrit për Evropën dhe Punët e Jashtme, Ferit Hoxha ka zhvilluar një telefonatë me homologun izraelit, pas sulmeve nga Irani dhe Hezbollahu.

12:53 Pse ishulli Kharg, qendra kryesore e eksporteve të naftës së Iranit, mbetet ende i paprekur nga bombardimet SHBA-Izrael

Ishulli Kharg Island, përmes të cilit kalojnë rreth 90% e eksporteve të naftës së Iranit, konsiderohet objektivi ekonomik më i ndjeshëm i vendit, por deri më tani ka mbetur i paprekur nga bombardimet e ndërmarra nga Shtetet e Bashkuara dhe Israeli.

11:46 Konflikti i armatosur në Lindjen e Mesme, Meloni: Ne nuk jemi në luftë dhe nuk duam të hyjmë në një të tillë

Kryeministrja italiane, Giorgia Meloni, ka theksuar sërish se Italia nuk është dhe nuk dëshiron të hyjë në një konflikt ushtarak, duke komentuar mbi tensionet në Lindjen e Mesme dhe përdorimin e bazave ushtarake nga Shtetet e Bashkuara në Evropë.

11:20 Irani minon ngushticën e Hormuzit/ Trump i kërcënon: Hiqini! Do të përballeni me pasoja që nuk janë parë ndonjëherë

Irani ka nisur vendosjen e minave në Ngushticën e Hormuzit, nyja më e rëndësishme energjetike në botë që transporton rreth një të pestën e gjithë naftës bruto.

10:26 Irani nuk ndal kërcënimet: Do të shënjestrojmë bankat e lidhura me SHBA-në dhe Izraelin në Lindjen e Mesme

Irani ka deklaruar se do të shënjestrojë interesat sistemet bankare të lidhura me SHBA- në dhe Izraelin në rajon.

10:21 Irani intensifikon sulmet, godet bazat amerikane në Irak

Bazat amerikane në Irak kanë qenë në shënjestër të një sulmi me dron sipas BBC. Dyshohet se pas sulmit qëndron Irani, ndërsa nuk raportohet për njerëz të lënduar.

10:10 Pasojat e luftës në Lindjen e Mesme, si Dubai po kthehet nga vendi i luksit dhe biznesit, në atë të frikës

Dubai, pjesë e Emirateve të Bashkuara Arabe, po përballet me pasojat e luftës në Lindjen e Mesme.

09:47 Analiza e CNN: Tre skenarë se si mund të përfundojë kriza në Lindjen e Mesme, nga më e mira te më e keqja

Kriza në Lindjen e Mesme po rrit pasigurinë globale, ndërsa vendimet e papritura të udhëheqësve si Presidenti amerikan Donald Trump dhe udhëheqësi i ri suprem i Iranit, Mojtaba Khamenei, po përcaktojnë rrjedhën e konfliktit.

09:35 Sulm izraelit me dron në qendër të Bejrutit, katër të vdekur dhe një raketë e pashpërthyer në një zonë banimi

Forcat izraelite nisën një sulm me dron në një zonë banimi në qendër të Bejrutit në agim të sotëm, me mediat libaneze që raportojnë katër të vdekur.

09:30 Irani nuk e mbajti fjalën, rifillon sulmet ndaj fqinjëve në të gjithë rajonin

Irani ka rifilluar sulmet ndaj disa vendeve të rajonit, duke deklaruar se ka nisur valën e 35-të të operacioneve ushtarake.

09:11 Rënia e dronëve pranë Aeroportit të Dubait, katër persona të plagosur

Katër persona janë plagosur pasi dy dronë ranë pranë Aeroporti Ndërkombëtar i Dubait, njofton Zyra e Medias në Dubai.

08:34 Përshkallëzohet situata në Liban, Izraeli paralajmëron evakuim të banorëve të Bejrutit para operacioneve ushtarake

Ushtria e Izraelit ka lëshuar një tjetër paralajmërim për evakuim për banorët në jug të Bejrutit, duke njoftuar për operacione ushtarake që pritet të zhvillohen në orët në vijim në kryeqytetin e Libanit.

08:20 Lufta në Lindjen e Mesme, analiza nga REL: A mundet Trump të korrë fitore të shpejtë në Iran?

Presidenti amerikan, Donald Trump, ka lënë të kuptohet se lufta me Iranin ka mundësi të jetë afër përfundimit, duke e dhënë një vlerësim optimist për një luftë që ka shkaktuar tensione rajonale dhe paqëndrueshmëri në tregjet globale të energjisë.

08:06 Anija kontejnere goditet nga një “predhë e panjohur” pranë Ngushticës së Hormuzit, nuk raportohen viktima, po vlerësohen dëmet

07:36 New York Times: Mojtaba Khamenei është plagosur në këmbë, u qëllua në ditën e parë të luftës

Gazeta “New York Times” ka publikuar informacione të reja rreth gjendjes së udhëheqësit të ri të Iranit, Bojtaba Khamenei, duke raportuar se 56-vjeçari është plagosur në këmbë.

07:32 Arabia Saudite kap 7 raketa balistike dhe 7 dronë, 6 synonin bazën ajrore Princ Sultan

Ministria e Mbrojtjes e Arabisë Saudite njoftoi të mërkurën në mëngjes se kishte kapur shtatë raketa balistike të lëshuara nga Irani, përfshirë gjashtë që synonin bazën ajrore Princ Sultan, ku ndodhen forcat amerikane, pranë kryeqytetit Riad.

06:55 Ushtria izraelite nis sulme të reja ndaj Teheranit, ambasadori iranian në OKB: Janë vrarë mbi 1300 persona

Forcat e Mbrojtjes së Izraelit (IDF) thanë në orën e fundit se kanë nisur një “valë shtesë” sulmesh ndaj objektivave në Teheran.

Top Channel