LIVE/ Një javë luftë në Lindjen e Mesme, forcat amerikane fundosin transportuesen iraniane të dronëve. Izraeli godet 26 herë Bejrutin. Trump: Pas Iranit e ka radhën Kuba 06/03 22:53
Grupi mediatik gjerman Axel Springer ka rënë dakord të blejë gazetën britanike The Daily Telegraph për 663 milionë euro (575 milionë paund), duke i dhënë fund një mosmarrëveshjeje të gjatë mbi pronësinë e Telegraph Media Group.
Grupi Telegraph boton gazetën 171-vjeçare Daily Telegraph dhe edicionin e saj të së dielës, The Sunday Telegraph.
Sipas kompanisë gjermane, investimi synon ta kthejë Telegraph në “median kryesore të qendrës së djathtë në botën anglishtfolëse” dhe të përshpejtojë zgjerimin e saj në tregun amerikan.
Für rund 660 Millionen Euro wechselt der "Telegraph" den Besitzer. Springer will ihn zum "führenden bürgerlich-konservativen Medium der englischsprachigen Welt" machen. https://t.co/K2KdoPRoUg
— DIE ZEIT (@zeitonline) March 6, 2026
Drejtori ekzekutiv i Axel Springer, Mathias Döpfner, tha se blerja realizon një objektiv të kahershëm të kompanisë.
“Më shumë se 20 vjet më parë u përpoqëm të blinim Telegraph dhe dështuam. Tani ëndrra jonë po bëhet realitet”, deklaroi ai.
🔴 BREAKING: The Telegraph has been acquired by the German publisher Axel Springer for £575m in a surprise raid that brings a potent new force to Fleet Street
Read more details on the sell here ⤵️https://t.co/9Dp1lqofJI pic.twitter.com/4Mmhk8eyjM
— The Telegraph (@Telegraph) March 6, 2026
Axel Springer zotëron disa prej mediave më të njohura në Evropë, përfshirë gazetat Bild dhe Die Welt, si dhe platformën e informacionit politik Politico.
Marrëveshja vjen pas vitesh pasigurie për të ardhmen e gazetave britanike. Telegraph Media Group, që më parë ishte në pronësi të familjes Barclay family, u nxor në shitje në vitin 2023 për të ndihmuar në shlyerjen e borxheve të familjes.
Në garë për blerjen ishte edhe një konsorcium i mbështetur nga RedBird Capital Partners dhe Sheikh Mansour bin Zayed Al Nahyan nga United Arab Emirates. Megjithatë, oferta u tërhoq në vitin 2024 pas kundërshtimit të fortë nga qeveria britanike, e cila miratoi legjislacion për të bllokuar pronësinë e huaj të mediave britanike.
Ndërkohë, revista konservatore The Spectator, që më parë ishte pjesë e Telegraph Media Group, u shit veçmas në vitin 2024 te investitori britanik Paul Marshall
Top Channel
