“Ngushtica e Hormuzit, e mbyllur vetëm për anijet nga SHBA-ja, Izraeli dhe Evropa”, Irani paralajmëron: Do të goditen nëse kalojnë 05/03 09:32
Fundosja e fregatës iraniane Iris Dena në Oqeanin Indian, ka shkaktuar 87 të vdekur dhe 61 të zhdukur.
Sulmi, i cili ndodhi në ujërat ndërkombëtare pranë brigjeve të Sri Lankës, e lë Iranin përballë humbjes së një anijeje të madhe detare.
Sekretari i Luftës së SHBA-së, Pete Hegseth, tha në një konferencë për shtyp se sulmi ndaj Iris Dena u krye nga një nëndetëse amerikane, e cila përdori një torpedo për të fundosur anijen iraniane.
Hegseth theksoi se Irani “mendonte se ishte në ujëra të sigurta”, por nëndetësja amerikane kreu misionin e saj dhe anija u fundos. Në të njëjtën kohë, ai theksoi se Irani “nuk mund të përballet me SHBA-në ballë për ballë”, duke theksuar se strategjia e SHBA-së është të “kontrollojë fatin e saj” në rajon.
Hegseth shtoi se ky sulm është fundosja e parë e një anijeje armike që nga Lufta e Dytë Botërore nga një nëndetëse amerikane dhe theksoi se ky veprim demonstron superioritetin strategjik të SHBA-së në rajon, duke e denoncuar Iranin si një “kërcënim terrorist” që përpiqet vazhdimisht të zgjerojë ndikimin e tij përmes sulmeve me raketa dhe dronëve.
Një video e Pentagonit që ka kapur sulmin tregoi anijen luftarake të goditur nga një shpërthim i madh që shkatërroi pjesën e pasme të anijes, e ngriti atë nga uji dhe bëri që ajo të fillonte të fundosej nga pjesa e pasme.
Anija iraniane kishte marrë pjesë në një stërvitje detare të organizuar nga India në Gjirin e Bengalit nga 18 deri më 25 shkurt, sipas faqes së internetit të stërvitjes.
Autoritetet e Sri Lankës thanë se Iris Dena, e cila po merrte pjesë në stërvitje të përbashkëta ushtarake me Indinë, u sulmua nga një nëndetëse dhe u fundos rreth 40 km larg bregdetit të saj.
Nga 180 anëtarët e ekuipazhit, 32 u shpëtuan dhe u dërguan në spital në qytetin Galle, ndërsa 87 trupa u nxorën nga deti. Rreth 61 persona rezultojnë ende të zhdukur. Shpëtuesit thanë se anija kishte dërguar një sinjal rreziku përpara se të fundosej, por nuk kishte informacione të mëtejshme mbi vendndodhjen e saktë të anijes në kohën e sulmit.
Sri Lanka, e cila ka mbetur neutrale në konflikt, tha se sulmi ndodhi brenda zonës së kërkim-shpëtimit të vendit dhe ushtria e saj nisi menjëherë operacionet e shpëtimit.
Sri Lanka u ka bërë thirrje të gjitha palëve të përfshira përmbahen dhe ulin e tensionet në rajon. Vendi gjithashtu theksoi nevojën për ndihmë humanitare për të mbijetuarit dhe viktimat e sulmit.
Mbytja e fregatës Iris Dena vjen ndërsa SHBA-të dhe Izraeli vazhdojnë operacionet e tyre ushtarake kundër Iranit dhe objektivave të tjerë në Lindjen e Mesme.
Situata mbetet kaotike dhe tensionet në Gjirin e Omanit dhe ujërat përreth po rriten vazhdimisht, me Iranin që përgjigjet me sulmet e veta.
Top Channel
