Gjykata e Posaçme Kundër Korrupsionit dhe Krimit të Organizuar ka shpallur vendimin për personat e pandehur të dosjes së Sterilizimit.
Gazetarja e Top Channel, Anila Hoxha, raporton se sa janë dënuar të pandehurit, mes tyre edhe mjeku i njohur njëkohësisht shefi i shërbimit të kirurgjisë, Arben Gjata.
Gjata u dënua me 3 vite e 6 muaj burg, me gjykim të shkurtuar mbeten 2 vite e 4 muaj burg, por atij i pezullohet dënimi me burg dhe i konvertohet në shërbim prove për 24 muaj.
Mes të dënuarve është Klodian Rrjepaj, i dënuar me 6 vite burg, por me gjykim të shkurtuar i konvertohet në 4 vite burg.
Po ashtu Marsela Serjani, u dënua me 3 vite e 6 muaj burg, me gjykim të shkurtuar 2 vite e 4 muaj burg. Asaj i hiqet masa e sigurimit arrest në shtëpi, pasi ka shlyer dënimin.
Petret Mersini dënohet me 3 vite e 6 muaj burg, me gjykim të shkurtuar mbetet 2 vite e 4 muaj burg, pezullim të dënimit me burg dhe vihet në provë për 24 muaj.
Ilir Rrapaj me 6 vite burg, por me gjykim të shkurtuar 4 vite burg.
Genc Byrazeri 1 vit e 6 muaj burg, teksa i ulet në 1 vit burg, pezullohet dënimi me burg dhe dënohet me punë në interes publik prej 80 orësh dhe të përmbushet prej 6 muajsh.
Naile Ajazi dënohet me 1 vit e 6 muaj burg, me gjykim të shkurtuar 1 vit burg dhe pezullim i dënimit me burg, dhe konvertohet në shërbim provë për 2 vite.
Për akuzën e grupit kriminal Klodian Rrejpaj dhe Ilir Rrapaj morën pafajësi, ndërsa u dënuan për vjedhje duke shpërdoruar detyrën.
Top Channel
