Trump: Jam shumë i zhgënjyer me Starmer, ndaloi forcat amerikane të përdorin bazën britanike për sulme ndaj Iranit 02/03 13:54
Me vdekjen e Ali Khameneit, sipas kushtetutës së Iranit, zgjedhja e një udhëheqësi të ri suprem i takon Asamblesë së Ekspertëve – një organ klerikal prej 88 anëtarësh i zgjedhur me votë popullore me mandate tetëvjeçare.
Megjithatë, sipas BBC, procesi zgjedhor përfshin një kufizim kyç: Të gjithë kandidatët për Asamblenë verifikohen dhe miratohen nga Këshilli i Mbrojtjes.
Ky i fundit, nje organizem prej 12 anëtarësh është i ndërthurur thellësisht me strukturën udhëheqëse te vendit: gjashtë anëtarë jane te emëruar drejtpërdrejt nga udhëheqësi suprem dhe gjashtë të nominuar nga gjyqësori dhe të miratuar nga parlamenti, ku kreu i gjyqësorit është emëruar gjithashtu nga lideri suprem.
Vetë Khamenei kishte pasur ndikim të konsiderueshëm mbi institucionin e ngarkuar me zgjedhjen e pasardhësit të tij. Regjimi ka lëvizur shpejt për të projektuar vazhdimësi dhe stabilitet.
Duke u bazuar te mekanizmat kushtetues dhe duke aktivizuar qeverisjen e përkohshme, autoritetet synojnë të sinjalizojnë se sistemi mbetet i paprekur pavarësisht humbjes së figurës së tij kryesore. Vëmendja tani është te pasardhësit e mundshëm.
Është e pazakontë në Iran që kandidatët potencialë të identifikohen hapur paraprakisht, teksa procesi zhvillohet pas dyerve të mbyllura. Megjithatë, brenda Asamblesë së Ekspertëve, kuptohet se ekziston një komision i vogël i ngarkuar me shqyrtimin dhe përzgjedhjen e emrave.
Vitet e fundit, ka pasur spekulime se djali i madh i Khameneit, Mojtaba, mund të jetë në garë. Megjithatë, me disa nga komandantët më të besuar të babait të tij në Trupat e Gardës Revolucionare Islamike që thuhet se janë vrarë në sulmet e fundit, ekuilibri i brendshëm i pushtetit mund të ketë ndryshuar.
Precedenti nga qershori i vitit 1989, kur vetë Khamenei doli si udhëheqës suprem pavarësisht se nuk shihej gjerësisht si një favorit, është një kujtesë se rezultati mund të sfidojë pritjet. Procesi i përzgjedhjes mund të ecë shpejt, sipas BBC duke u përmbyllur brenda pak ditësh.
Top Channel
