LIVE/ Dita e dytë e sulmit amerikano-izraelit ndaj Iranit, Teherani konfirmon vrasjen e Khamenei dhe kryen sulme hakmarrëse drejt Emirateve. BE thërret mbledhje urgjente 01/03 10:43
Pas vrasjes së udhëheqësit suprem Ali Khamenei në një operacion të përbashkët SHBA-Izrael, presidenti Donald Trump deklaroi se ekzistojnë disa “kandidatë të mirë” për të marrë drejtimin e Iranit.
Në një intervistë telefonike për CBS News, Trump u shpreh se ka ide të qartë se kush po i merr aktualisht vendimet në Teheran pas vdekjes së liderit suprem, por refuzoi të zbulojë detaje.
“E di saktësisht kush është, por nuk mund t’jua them”, tha ai.
I pyetur nëse ka një person specifik që do të donte ta shihte në krye të Iranit, presidenti u përgjigj:
“Po, mendoj se po. Ka disa kandidatë të mirë”.
Megjithatë, ai nuk dha informacione të mëtejshme mbi identitetin e këtyre kandidatëve apo mbi mënyrën se si mund të zhvillohet tranzicioni i pushtetit në Iran, ndërsa situata politike në vend mbetet e paqartë.
Top Channel
