Kardiokirurgjia, dyshime për godinën/ Ishte planifikuar të hapej në vjeshtë, operacionet bëhen në privat ose në objektin e vjetër
27/02 12:11
Kjo është rruga më e vështirë që kanë bërë fermerët e Goriçanit, brenda një harku tre mujor ata janë përmbytur 5 herë. Njëzëri kërkojnë të dëmshpërblehen sepse djersën ua mori lumin
“Ne kërkojmë dëmshpërblim sepse vetëm baltë kemi marrë këtë vit”, thonë banorët.
“Unë isha në prodhim që në datën 9 janar, më ther në shpirt. Ai duhet të më japë djersën që unë mos të emigrojë, të rri këtu”, thotë një nga fermerët..
Një tjetër fermer “Kjo përmbytje është si pasojë e hapjes së digave dhe ne si fermerë ndihma e parë që kërkojmë është një argjinaturë anës lumit. S’na jep më kush fidanë u bënë tre herë. Tre herë i mbollëm tre herë u mbytëm.”
Përmbytjet e këtij sezoni ndikuan negativisht edhe tek shifrat e eksporteve nëse krahasojmë janarin e 2025 me atë të vitit 2026 kemi një rënie prej 46%
“Ky nuk është ujë, por djersa jonë që e mori lumi. Mu më janë përmbytur 4 dynym sera dhe 7 dynym grurë. Nuk e di me çfarë do jetojë. Nuk llogaritet dëmi plehra, fidanë, frezë dëm marramendës. Para dy orësh lumi ishte tek tubi ata lëshuan digat dhe u rrit niveli i tij direkte duke u afruar me 5 metra”, thotë fermeri.
Ky është Lumi Seman, i cili deri më tani ka përmbytur 300 ha tokë bujqësor nga të cilat 60 hektarë janë sera.
Një gjë është e sigurt nga fshati Goriçan këtë vit do të prodhohen më pak fruta dhe perime.
Top Channel
