Shira të rrëmbyeshëm e stuhi në Brazil, 22 viktima, një qytet shpall gjendjen e jashtëzakonshme 24/02 18:28
Ukraina i ka cilësuar si “absurde” pretendimet e Rusisë se Kievi po përpiqet të sigurojë armë bërthamore me ndihmën e dy fuqive bërthamore, Britanisë së Madhe dhe Francës.
Zëdhënësi i Ministrisë së Jashtme të Ukrainës, Heorhiy Tykhyi, deklaroi se “zyrtarët rusë, të njohur për historinë e tyre mbresëlënëse të gënjeshtrave, po përpiqen sërish të sajojnë absurditetin e vjetër të një ‘bombe të ndyrë’”.
“Për sqarim: Ukraina i ka hedhur poshtë pretendime të tilla absurde ruse shumë herë më parë dhe ne i refuzojmë zyrtarisht ato edhe tani. Ne i bëjmë thirrje bashkësisë ndërkombëtare të hedhë poshtë dhe të dënojë fushatat e dezinformimit të Rusisë”, tha ai.
Më herët, Shërbimi i Inteligjencës së Jashtme i Rusisë (SVR), pa paraqitur prova, akuzoi Britaninë e Madhe dhe Francën se po përgatiteshin të furnizonin fshehurazi Ukrainën me komponentë dhe teknologji për armë bërthamore.
Britania e Madhe nuk reagoi menjëherë ndaj pretendimeve ruse. Ndërkohë, Franca, përmes një deklarate të ambasadës së saj në Moskë i cilësoi akuzat si një “gënjeshtër e hapur”.
Top Channel
