2 gra humbin jetën nga ortekët në alpet franceze, shkon në 30 numri total i viktimave në Europë 24/02 22:11
Ish-ambasadori i Mbretërisë së Bashkuar në Shtetet e Bashkuara, Lord Peter Mandelson, u arrestua ditën e djeshme në Londër nën dyshimin për shpërdorim detyre, në kuadër të një hetimi që lidhet me dosjen e financierit Jeffrey Epstein.
Policia njoftoi se një 72-vjeçari u arrestua pas bastisjeve në dy prona të lidhura me të. Ai më vonë u lirua me kusht, ndërsa hetimet për të ende vazhdojnë.
Hetimi ka nisur pas publikimit të miliona dokumenteve nga Departamenti i Drejtësisë së SHBA-së, ku kuptohet të ketë korrespodencë dhe kontakte mes Mandelson dhe Epstein, mes të cilave edhe dërgimi i informacionit të ndjeshëm qeveritar dhe diskutime rreth politikave ekonomike gjatë kohës kur Mandelson ishte ministër i biznesit në vitet 2008–2010.
Avokatët e tij kanë deklaruar se arrestimi erdhi pavarësisht një marrëveshjeje për një intervistë vullnetare dhe se rreziku se ai planifikonte të largohej nga vendi ishte i pabazë. Ata thonë se Mandelson dëshiron të bashkëpunojë me autoritete dhe të pastrojë emrin e tij.
Mandelson u shkarkua nga posti i ambasadorit në SHBA në shtator, pasi u bënë publike detaje të marrëdhënies së tij me Epstein, dhe ai ka dhënë dorëheqjen edhe nga Dhomë e Lordëve në fillim të këtij muaji.
Top Channel
