Katër vite nga fillimi i luftës në Ukrainë, von der Leyen: 100 milionë euro mbështetje për sektorin energjetik në vend 24/02 18:06
Autoritetet meksikane kanë nisur një operacion të gjerë për kapjen e 23 të burgosurve që u arratisën nga një burg në Puerto Vallarta, pas një vale të dhunshme sulmesh të lidhura me kartelin e drogës që drejtohej nga ‘El Mencho’.
Sipas zyrtarëve, persona të armatosur përplasën një automjet në njërën prej portave të burgut, duke krijuar mundësinë që të burgosurit të arratiseshin, ndërsa identitetet e të arratisurve nuk janë bërë publike.
Dhuna shpërtheu të dielën në disa zona, përfshirë resortin bregdetar të Paqësorit, ku anëtarë të kartelit bllokuan rrugë dhe u vunë flakën automjeteve. Sipas raportimeve, trazirat nisën pas njoftimeve për vdekjen e liderit të kartelit, Nemesio Oseguera Cervantes, i njohur si “El Mencho”.
Sekretari i Sigurisë Publike i shtetit të Jalisco, Juan Pablo Hernández, deklaroi se autoritetet lokale po bashkëpunojnë me shtete të tjera për të lokalizuar dhe kapur të arratisurit.
Bilanci i dhunës është i rëndë: mbi 70 persona raportohet të jenë vrarë, mes tyre 25 anëtarë të Gardës Kombëtare. Në Puerto Vallarta, dhjetëra automjete u dogjën, duke shkaktuar panik mes banorëve dhe turistëve. Autoritetet u bënë thirrje qytetarëve të qëndronin brenda.
Si pasojë e situatës së sigurisë, disa linja ajrore pezulluan përkohësisht fluturimet drejt zonës, ndërsa të paktën dy kompani të mëdha turistike njoftuan se anijet e tyre do të shmangnin ndalesat e planifikuara në Puerto Vallarta.
Top Channel
