2 gra humbin jetën nga ortekët në alpet franceze, shkon në 30 numri total i viktimave në Europë 24/02 22:11
Qeveria britanike njoftoi sot një paketë të madhe sanksionesh kundër Rusisë, duke synuar sektorët e energjisë dhe ushtrisë.
Masat synojnë 300 subjekte, anije ose persona, duke e çuar në më shumë se 3,000 numrin e kompanive dhe individëve të lidhur me Moskën që tani i nënshtrohen sanksioneve britanike.
Midis objektivave të rinj është operatori rus i tubacionit të naftës Transneft, i kontrolluar nga shteti, i cili transporton më shumë se 80% të eksporteve të naftës ruse, tha qeveria britanike në një deklaratë.
Sanksionet synojnë gjithashtu “rrjetin rus të kontrabandës së naftës”, 175 kompanitë e të cilit punojnë për operatorin kryesor të flotës së errët të Rusisë.
“Masat vendimtare do të “prishin financimin, pajisjet ushtarake dhe burimet kryesore të të ardhurave që mbështesin agresionin rus”, tha Sekretarja e Jashtme, Yvette Cooper në një deklaratë ndërsa udhëtonte për në Kiev të hënën.
Ministria i referohet “serisë më të madhe” të sanksioneve të miratuara që nga muajt e parë të pushtimit rus në vitin 2022.
Në një raport të publikuar sot nga Qendra për Kërkime mbi Energjinë dhe Ajrin e Pastër, një grup mendimtarësh finlandezë, Rusia tani po eksporton më shumë naftë sesa para pushtimit të Ukrainës, e cila tani dërgohet kryesisht në Kinë, Indi dhe Turqi.
Sanksionet e miratuara sot synojnë gjithashtu kompanitë që ofrojnë pajisje ushtarake dhe programin bërthamor rus për qëllime civile, si dhe dy rrjete televizive gjeorgjiane, Imedi TV dhe POSTV, të cilat akuzohen për transmetim dezinformimi pro-rus.
Imedi TV u themelua nga biznesmeni Bandari Patarkatsishvili, i cili vdiq në vitin 2008 në Britani dhe i cili kishte kundërshtuar ish-presidentin pro-perëndimor të Gjeorgjisë, Mikheil Saakashvili.
Ai ishte në pronësi të një kompanie me seli në Mbretërinë e Bashkuar dhe së fundmi iu shit një kompanie mediatike gjeorgjiane me lidhje me disa nga menaxhmentet e saj.
Në një deklaratë të postuar në Facebook, Imedi TV u përgjigj se sanksionet ishin “të pavlera”, ndërsa transmetuesi publik POSTTV postoi dy emoji duke qeshur në llogarinë e tij në mediat sociale.
Top Channel
