Neymar ka pranuar se mund të tërhiqet nga futbolli profesionist në fund të vitit 2026, pas një serie të gjatë problemesh me lëndimet që e kanë shqetësuar gjatë karrierës së tij.
Edhe pse kërkon me ngulm të përfaqësojë Brazilin në Kupën e Botës të verës që vjen, ai ka theksuar se nuk mund të parashikojë se si do të duket e ardhmja e tij dhe se është e mundur që të detyrohet të varë këpucët në gozhdë.
Aktualisht 34 vjeç, Neymar ka pasur vështirësi të qëndrojë larg spitalit. Në dhjetor të vitit 2025, ai iu nënshtrua një operacioni për një problem të gjatë me gjurin, pas një periudhe të kaluar pa luajtur për shkak të dëmtimit të ligamentit kryesor të gju. Pas rikthimit në fushë me Santos, Neymar është rikthyer te rrënjët e tij në Amerikën e Jugut dhe po shijon përsëri futbollin, ndërkohë që ka rinovuar kontratën deri në fund të vitit kalendarik.
Një rikthim në skuadrën e Brazilit mbetet një prioritet i lartë për yllin që ka luajtur me Barcelona dhe Paris Saint-Germain, pasi nuk ka qenë pjesë e kombëtares që nga tetori i vitit 2023. Vendimet për sa kohë do të vazhdojë të luajë do të merren vetëm pas një tjetër tentativë për të fituar atë që i ka munguar – titullin e Kupës së Botës.
Në një intervistë për CazeTV, Neymar tha: “Nuk e di se çfarë më rezervon e ardhmja. Është e mundur që në dhjetor të dua të lë futbollin. Ky vit është shumë i rëndësishëm, jo vetëm për Santos, por edhe për kombëtaren braziliane dhe për mua.”
Përpjekjet e tij për të rikuperuar formën më të mirë janë të pandalshme, duke shtuar: “Doja të kthehesha 100% këtë sezon, dhe për këtë arsye pushova disa ndeshje. E di që shumë njerëz thonë gjithçka dhe nuk e kuptojnë realitetin e ditës për ditë, por unë duhet ta përballoj këtë. Santos ka bërë një plan të shkëlqyer për këtë. Sigurisht, doja të kthehesha për të ndihmuar ekipin tim, por në fund vendosa të pushoj për t’u kthyer në formë të plotë, pa dhimbje, pa frikë dhe në formë të shkëlqyer.”
Top Channel
