Nuk ishte pjesë e takimit inaugurues të Bordit të Paqes, zbulohet arsyeja e mungesës së Bjellorusisë: Delegacionit tonë nuk iu dhanë vizat sepse… 19/02 22:59
Një banderolë gjigante me imazhin e Donald Trump është vendosur në fasadën e Departamentit të Drejtësisë i SHBA-së në Uashington, me sloganin “Ta bëjmë Amerikën të sigurt përsëri”.
Sipas raportimeve, veprimi shihet si simbolik dhe nënvizon ndikimin e presidentit mbi një institucion që më parë e ka ndjekur penalisht.
Banderola, e realizuar në nuanca blu, është vendosur në ndërtesën historike Robert F. Kennedy, ndërsa Departamenti i Drejtësisë tradicionalisht përpiqet të ruajë distancë nga pushteti politik.
Ky zhvillim vjen në një kohë kur, pas rikthimit të Trump në presidencë vitin e kaluar, departamenti është përballur me akuza për shënjestrim të kundërshtarëve politikë. Në mesin e rasteve të përmendura janë hetimet ndaj ish-drejtorit të FBI James Comey, Prokurores së Përgjithshme të Nju Jorkut Letitia James, si dhe ndaj kryetarit të Rezerva Federale Jerome Poëell dhe disa ligjvënësve demokratë.
Banderola të ngjashme me portretin e Trump janë vendosur edhe në institucione të tjera federale, si Departamenti i Punës i SHBA-së dhe Departamenti i Bujqësisë i SHBA-së, të shoqëruara me slogane si “Punëtorët amerikanë të parët” dhe “Rritje për Amerikën”.
Administrata ka hedhur poshtë vazhdimisht akuzat për motivim politik, duke deklaruar se synon të korrigjojë atë që e quan “instrumentalizim” të drejtësisë nga qeveria e mëparshme.
A large banner of Donald Trump was hung outside of the Justice Department headquarters in Washington, DC, emphasizing the White House’s control over the nation’s top law enforcement branch that once pursued criminal prosecutions against the president. https://t.co/MDYgsdjwcJ pic.twitter.com/dhr8VmoneF
— CNN (@CNN) February 19, 2026
Top Channel
