Rritja e shpejtë e robotikës në Kinë u vu në pah edhe gjatë Galasë së Festivalit të Pranverës CCTV, e cila tradicionalisht shoqëron festimet e Vitit të Ri Kinez.
Katër startup-e robotike – Unitree Robotics, Galbot, Noetix dhe MagicLab – shfaqën robotët e tyre humanoide në gala, një ngjarje televizive jashtëzakonisht popullore që shpesh krahasohet me Super Bowl në Shtetet e Bashkuara. Skeçet e para u dominuan nga robotët, ku më mbresëlënësi ishte një demonstrim i madh i arteve marciale. Më shumë se një duzinë robotësh Unitree performuan skena të koordinuara “beteje” me shpata dhe shkopinj.
Shfaqja paraqiti gjithashtu chatbot-in me inteligjencë artificiale Doubao të ByteDance, ndërsa robotët nga Noetix dhe MagicLab morën pjesë në skeçe komike dhe koreografi përkrah njerëzve.
Shikoni videon:
Themeluesi i Unitree u takua më vonë me Presidentin Kinez Xi Jinping në një simpozium teknologjik të nivelit të lartë. Vitin e kaluar, presidenti kinez është takuar me disa themelues të kompanive të robotikës, duke treguar rëndësinë që lidershipi i jep këtij sektori.
Morgan Stanley vlerëson se shitjet e robotëve humanoide në Kinë do të kalojnë 28,000 këtë vit. Elon Musk ka thënë se pret konkurrencë të ashpër nga kompanitë kineze, duke theksuar se Kina nuk duhet nënvlerësuar në fushën e teknologjisë dhe industrisë.
Top Channel
