Ndërron jetë Robert Duvall, legjenda e kinemasë dhe ylli i “The Godfather” vdes në moshën 95-vjeçare 16/02 19:31
Një video që po qarkullon në rrjet ka kapur momentin kur Fatima Bos Fernandez, fituesja e kurorës së Miss Universe, rrëzohet gjatë një parade festive në Ekuador.
Sipas raportimit të TMZ, incidenti ndodhi të dielën gjatë Festivalit të Frutave dhe Luleve, ku ajo po përshëndeste mijëra spektatorë nga një karrocë festive. Në pamje shihet teksa modelja shijon momentin dhe u dërgon puthje të pranishmëve, por brenda pak sekondash duket se humb ekuilibrin dhe bie në gjunjë para turmës.
Miss Universe Fatima Bosch suddenly collapses on a parade float.
Details: https://t.co/voJNlfDPOa
🎥: Jam Press pic.twitter.com/0LcVzeHhsv
— TMZ (@TMZ) February 16, 2026
Organizatorët ndërhynë menjëherë për ta ndihmuar, ndërsa ekipet mjekësore në vendngjarje i dhanë ndihmën e parë. Më pas u vendos që ajo të tërhiqej nga aktivitetet e mbetura të ditës për t’iu nënshtruar kontrolleve mjekësore. Deri tani nuk ka një reagim zyrtar as nga organizatorët e konkursit dhe as nga vetë Fernandez mbi arsyen e rrëzimit.
Megjithatë, ajo u vlerësua për mënyrën e qetë dhe dinjitoze me të cilën e menaxhoi situatën e papritur.
Fituesja ka qenë në qendër të vëmendjes edhe më herët. Kurora e fituar në nëntor në Tajlandë shkaktoi reagime të forta në rrjet, pasi disa komentues e konsideruan triumfin e saj një surprizë “kundër të gjitha parashikimeve”.
Një pjesë e publikut mendonte se titulli duhej t’i shkonte Olivia Yassé, e renditur e katërta, ndërsa të tjerë mbështetën përfaqësueset e Filipineve dhe Tajlandës. Edhe Natalie Glebova kishte shprehur publikisht bindjen se një tjetër konkurrente meritonte fitoren.
Pavarësisht polemikave dhe incidentit të fundit, Fernandez mbetet një nga figurat më të komentuara të momentit në botën e spektaklit dhe konkurseve të bukurisë.
Top Channel
