Konferenca në Mynih, Von der Leyen: Ka ardhur koha për një strategji të re sigurie pa tabu në Evropë 14/02 11:35
Numri i të vdekurve nga cikloni Gezani në Madagaskar vazhdon të rritet, duke arritur në të paktën 40 të vdekur, siç u njoftua sot, tre ditë pasi erërat shkatërruese, që arritën deri në 250 km/orë, kaluan nëpër qytetin e dytë më të madh të ishullit në Oqeanin Indian, Toamasina, në të cilin furnizimi me ujë është ndërprerë dhe një pjesë e tij është zhytur në errësirë.
Me kalimin e kohës, detaje rreth katastrofës po dalin në pah, të tilla si “12 persona u mbytën brenda një kontejneri”, sipas zyrës së vendit për menaxhimin e katastrofave.
“Qyteti po operon me pothuajse 5% të furnizimit me energji elektrike dhe nuk ka ujë”, përshkroi drejtoresha e Programit Botëror të Ushqimit për Madagaskarin, Tania Goossens, gjatë një konference për shtyp.
#Madagascar
So far, 400,000+ lives affected by cyclones in the last 2 weeks🌪️#UNHAS is in the skies over Madagascar, facilitating rapid aerial assessments to ensure help reaches those most in need.We stand with the Malagasy people🤝🚁#CycloneGezani @PamMadagascar @UNOCHA pic.twitter.com/muupusbCYH
— UN Humanitarian Air Service (@WFP_UNHAS) February 13, 2026
Një depo e kësaj agjencie të OKB-së u “shkatërrua plotësisht” nga cikloni, njoftoi ajo, në një kohë kur popullsia ka më shumë nevojë për shpërndarjen e mallrave thelbësore.
Dëmtimi i infrastrukturës, me pemë të shkulura dhe çati metalike të shpërndara në rrugë, siç zbulohet nga fotot e Agjencisë Franceze të Lajmeve (AFP), po e ndërlikon ndihmën për civilët.
“Ka shumë zona që ekipet e shpëtimit nuk mund t’i arrijnë”, tha një anëtar i një organizate ndihme për AFP-në. “Urat janë shkatërruar, rrugët janë prerë në dysh. Është vërtet e frikshme.” Sipas tij, situata është më e keqe jashtë Toamasinës: “Në komunitetet periferike, në zonën rurale, është një peizazh apokaliptik.”
Përballë emergjencës, Kina i ka ofruar Madagaskarit “100 milionë juanë ndihmë”, ose 12 milionë euro, njoftoi presidenca e vendit, duke falënderuar Pekinin. Dje, Franca njoftoi dërgimin e furnizimeve emergjente, ekipeve të shpëtimit dhe zjarrfikësve nga ishulli francez La Réunion, i cili ndodhet rreth 1,000 km larg.
Top Channel
