Arsenal dhe Chelsea janë të interesuara për shërbimet e yllit të Club Brugge, Aleksandar Stankovic.
Të dy klubet e Premier League priten të përballen për firmën e 20-vjeçarit, i cili është djali i legjendës së Interit, Dejan Stankovic.
Stankovic ka tërhequr vëmendjen me paraqitjet e tij të shkëlqyera në Jupiler Pro League dhe në Ligën e Kampionëve këtë sezon. Ai ka luajtur për Club Brugge në disa ndeshje të rëndësishme, përfshirë një përballje ndaj Arsenalit.
Në total, Stankovic ka shënuar shtatë gola dhe ka regjistruar katër asistime në 37 ndeshje gjatë këtij sezoni në të gjitha kompeticionet.
Forma e tij e shkëlqyer gjatë periudhës në huazim te Luzern tërhoqi vëmendjen e Club Brugge, të cilët e blenë nga Interi verën e kaluar. Sipas raporteve, si pjesë e marrëveshjes, Interi ka një klauzolë për ribljerjen e Stankovic, duke i mundësuar klubit italian ta rikthejë atë për rreth 20 milionë paund.
Megjithatë, Inter duhet të njoftojë Club Brugge brenda dy javëve të para të qershorit nëse dëshirojnë të aktivizojnë këtë mundësi, ndërsa ata duhet të informojnë klubin nëse ndonjë ofertë tjetër pranohet.
Top Channel
