‘Kërcënimet amerikane nuk kanë mbaruar’, Macron: BE-ja të krijojë një instrument të përbashkët huamarrjeje dhe të sfidojë dollarin 10/02 09:13
Shtetet e Bashkuara kanë ndërmarrë një tjetër sulm ajror në Paqësor, duke goditur një motoskaf që dyshohet se i përkiste trafikantëve të drogës.
Si pasojë e bombardimit, dy persona humbën jetën, bëri të ditur Komanda e Përbashkët e SHBA-së për Amerikën e Jugut (SOUTHCOM).
Sulmi u njoftua përmes rrjetit social X dhe është pjesë e një fushate ajrore që ka nisur në shtator 2025 kundër anijeve që Uashingtoni i lidh me trafikun e drogës. Me këtë operacion të fundit, numri i të vdekurve nga këto sulme ka arritur në të paktën 130 persona, ndërsa 38 anije janë shkatërruar deri më tani. Ky është sulmi i tretë ajror i konfirmuar që nga fillimi i këtij viti.
On Feb. 9, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known narco-trafficking… pic.twitter.com/fa5vppjcCy
— U.S. Southern Command (@Southcom) February 10, 2026
Një element i pazakontë i këtij operacioni ishte fakti se ushtria amerikane raportoi për ekzistencën e një të mbijetuari. Sipas SOUTHCOM, Roja Bregdetare u njoftua menjëherë për të ndërmarrë një operacion kërkimi dhe shpëtimi për marinarin që arriti t’i mbijetojë sulmit.
Fushata ajrore e SHBA-së synon goditjen e rrjeteve të trafikut të drogës në Paqësor dhe ndërprerjen e rrugëve detare të përdorura për kontrabandë.
Top Channel
