53 emigrantë të vdekur pas përmbysjes së një barke në brigjet e Libisë, mes tyre edhe dy foshnje 09/02 11:50
Një pjesë e vogël e dosjeve të Jeffrey Epstein, të cilat përfshijnë mbi 3.5 milionë faqe dokumente, është bërë publike, duke zbuluar shkallën tronditëse të abuzimeve dhe shfrytëzimit seksual të mbi një mijë viktimave, sipas raportimeve të gazetës Times dhe gazetares së mediave sociale Jessica Harpin.
Dosjet nxjerrin në pah një rrjet global ku pushteti dhe paratë u shërbyen abuzuesve për të manipuluar dhe shfrytëzuar vajzat e reja. “Ndërsa dosjet përmendin emra të këshilltarëve financiarë, akademikëve dhe politikanëve, identitetet e viktimave mbeten të fshehura. Por historitë e grave tregojnë tmerrin e plotë të rrjetit të Epstein,” shprehet Harpin.
Ghislaine Maxwell, ish-assistente e Epstein dhe e dënuar për krime seksuale, përdorte makina për të gjuajtur vajza adoleshente nëpër shkolla dhe për t’i afruar ato me premtime dhe dhurata. Viktimat përfshiheshin në seanca masazhi, ku Epstein abuzonte seksualisht me to, shpesh duke paguar edhe për të sjellë një mik.
Një teknikë tjetër që Maxwell përdorte ishte të njihte historitë personale të vajzave dhe të përdorte dobësitë e tyre emocionale për t’i manipuluar. Gazetarja Lucia Osborne-Crowley citon shembullin e një vajze që u bë shënjestër pasi i tregoi Maxwell se babai i saj kishte vdekur dhe nëna ishte e papunë.
Epstein gjithashtu iu drejtua shkollave të baletit dhe vallëzimit, duke premtuar vajzave mundësi për famë dhe financim për të ndjekur seminare muzikore ose arsimore. Dosjet tregojnë një përpjekje sistematike prej dekadash për të identifikuar dobësitë e vajzave, për të ndërtuar besimin e tyre dhe për t’i shfrytëzuar.
Pas çdo historie është një grua, e cila vetëm tani po del në dritë, duke zbuluar përmasat e tmerrshme të rrjetit të abuzimit të Epstein dhe bashkëpunëtorëve të tij.
Top Channel
