Një tragjedi e rëndë ka ndodhur të mërkurën në mbrëmje në Porcari, një komunë në provincën e Luccës, ku katër anëtarë të një familjeje shqiptare humbën jetën nga një rrjedhje monoksidi karboni.
Duket se shkaku ka qenë një kaldajë me problem në shtëpinë e tyre, i cili shkaktoi helmin me monoksid karboni.
Viktimat janë katër persona me origjinë shqiptare: babai 48-vjeç, gruaja e tij 43-vjeçare dhe dy fëmijët e tyre, 22 dhe 15 vjeç.
Një person tjetër, vëllai i kryefamiljarit, u shpëtua në gjendje kritike. Ky i fundit kishte arritur në vendngjarje pasi familja nuk i kishte përgjigjur telefonatat.
Tragjedia ndodhi rreth darkës, kur vëllai i kryefamiljarit, i shqetësuar për mungesën e përgjigjes, dha alarmin dhe njoftoi karabinierët.
Pasi arritën në shtëpinë trekatëshe, karabinierët dhe vëllai trokitën disa herë në derë, por nuk morën përgjigje. Ata hapën derën me forcë dhe kur hynë brenda, përballë tyre ishte një skenë dramatike: katër trupa të pajetë në dysheme.
Dy oficerë të karabinierëve që morën pjesë në shpëtim, përjetuan simptoma të helmimit së lehtë nga monoksidi karboni, por fatmirësisht janë jashtë rrezikut për jetën.
Ata morën ndihmën e parë dhe u transportuan në spital. Hetuesit ende po punojnë për të zbardhur shkaqet e plotë të ngjarjes, por dyshimet më të mëdha janë për një defekt në kaldajën, i cili mund të ketë shkaktuar rrjedhjen e monoksid karboni në shtëpi.
Top Channel
