Jo vetëm Marcus Rashford, Barcelona synon në verë një tjetër yll të Manchester United 01/02 14:13
E ardhmja e Ademola Lookman pritet të jetë te Atletico Madrid.
Sulmuesi nigerian duket i vendosur të pranojë interesimin e Diego Simeones, i cili i ka vënë në tavolinë një kontratë prej rreth 6 milionë eurosh në sezon, bonuse të përfshira.
Atalanta, nga ana e saj, kërkonte 40 milionë euro për kartonin e lojtarit dhe këtë shumë do ta arkëtojë: 35 milionë të garantuara plus 5 milionë në formë bonusesh, të lidhura me objektiva. Jashtë loje mbetet Fenerbahçe, që kishte arritur një marrëveshje me lojtarin, por problemet e njohura me garancitë financiare kanë penalizuar sërish klubin turk.
Ndërkohë, Lookman nuk do të jetë i grumbulluar për ndeshjen kundër Comos dhe është gati të udhëtojë drejt Madridit për të nisur aventurën e re në La Liga, me synimin për të rigjetur instinktin e golit që kishte humbur disi në pjesën e parë të sezonit.
Nga këndvështrimi i Atleticos, gjithçka ndjek një logjikë të qartë: klubi madrilen ka lënë të lirë Giacomo Raspadorin drejt Bergamos dhe e ka zëvendësuar pikërisht me lojtarin që Raspadori duhej të zëvendësonte te Atalanta — Ademola Lookman. Raspadori i ka kushtuar Atalantës 25 milionë euro, ndërsa Lookman do t’i kushtojë Colchoneros 35+5 milionë.
Top Channel
Top News-Mali i Zi ngre alarmin: Tonelata kanabisi futen përmes rrugëve tokësore e ujore nga Shkodra
Top Channel/ Anglezët: “Epstein” vepër e rusëve/ “The Daily Mail”: Gjithçka e organizuar nga ish-KGB
