Dosja Epstein/ Departamenti Amerikan i Drejtësisë publikon 3 milionë faqe dokumentesh, 2 mijë video dhe 180 mijë foto 30/01 17:34
Spiunazhi dixhital mund të ketë çuar në rrjedhjen e emrit të fituesit të Çmimit Nobel për Paqen 2025 përpara se të shpallej zyrtarisht, tha të hënën Komiteti Norvegjez i Nobelit.
“Nuk ka qenë e mundur të përcaktohet saktësisht se çfarë ndodhi ose kush ishte pas shkeljes, por ne besojmë se sektori dixhital mbetet i dyshuari kryesor”, tha sekretari i përhershëm i komitetit që jep çmimin për Reuters të hënën.
Basti se udhëheqësja e opozitës venezueliane, Maria Corina Machado, do ta fitonte çmimin arriti kulmin më 10 tetor, disa orë para se të shpallej fituesi i vitit 2025.
Bastet për emrin e Machados për çmimin u rrit shpejt në rreth 2.2 milionë dollarë, ndërsa pasuan edhe të tjerë, tha Christian Berg Harpviken. Emri i Machados nuk ishte përmendur paraprakisht nga asnjë prej ekspertëve ose medias.
Një nga tre agjencitë e inteligjencës së Norvegjisë u përfshi në hetimin pasues nëse ishte një rrjedhje e brendshme apo spiunazh, qoftë nga një autor individual apo nga një entitet shtetëror, por mbetet e paqartë se kush ishte pas rrjedhjes së onformacionit dhe si u zhvillua, tha Harpviken.
Dhe ndërsa bastet po vinin, nuk ishte e qartë nëse qëllimi përfundimtar ishte të përfitohej nga incidenti apo të dëmtohej besueshmëria e çmimit, tha ai, duke shtuar se përpjekjet e fondacionit tani ishin përqendruar në parandalimin e shkeljeve të ngjashme në të ardhmen.
Machado fitoi çmimin për luftën e saj kundër diktaturës në Venezuelë dhe kur iu dha, ia dedikoi, ndër të tjerë,
Presidentit të SHBA-së Donald Trump, i cili ka këmbëngulur vazhdimisht se e meritonte vetë. Ajo përfundimisht ia ofroi atij në fillim të këtij viti, me Komitetin Norvegjez të Nobelit që u përgjigj në atë kohë se çmimi mbetet i lidhur pazgjidhshmërisht me personin ose organizatën e caktuar si fituese.
Top Channel
