Video/ Tallja e Starmer ndaj Macron: Ai mbante syze të errëta dhe fliste frëngjisht 27/01 10:19
Një skiatore u sulmua nga një leopard bore në Kinë, ndërsa përpiqej të bënte një selfie me kafshën e rrallë.
Sipas Daily Mail, gruaja u plagos rëndë pasi kafsha e egër e sulmoi atë në zonën e fshatit Talat të Gjeoparkut Global të UNESCO-s Keketuohai në Qarkun Funyun, në veri të Kinës.
Një video që qarkullon në internet tregon viktimën e bllokuar nën leopard në borë të thellë, përpara se të ndihmohet të ngrihet, duke mbajtur fytyrën e saj të përgjakur.
Incidenti ndodhi kur skiatorja iu afrua në mënyrë të rrezikshme kafshës në një përpjekje për të bërë një foto me të gjatë rrugës për në hotel, sipas raporteve lokale. Pavarësisht paralajmërimeve të lëshuara një ditë më parë nga autoritetet pasi kafsha u pa në zonë, skiatorja iu afrua kafshës brenda 3 metrave pasi e pa në dëborë dhe thuhet se nuk mundi të gjente këndin e duhur për të bërë një foto. Kafsha iu hodh gruas dhe e kafshoi në fytyrë përpara se të ndiqej nga një instruktor skijimi që i tundte shkopinjtë e tij kafshës. Skiatorja i shpëtoi lëndimeve më serioze falë helmetës së saj, por u dërgua në një spital lokal për trajtim, ku mbetet në gjendje të qëndrueshme.
Leopardi u vu re nga turistët që kishin qëndruar në një hotel në zonë një ditë më parë, pranë një zone me bar, ndoshta për shkak të urisë. Pronari i hotelit tha: “E pamë mbrëmë, disa kilometra larg vendit ku ndodhi sulmi, por nuk mund të konfirmojmë nëse është i njëjti leopard.”
Paralajmërim nga autoritetet
Autoritetet lokale i paralajmëruan qytetarët se ditët e fundit janë raportuar disa herë raste leopardësh në Gjeopark, duke deklaruar: “Kohët e fundit, është zbuluar aktivitet leopardësh në Gem Valley, Keketuohai. Leopardët janë grabitqarë të mëdhenj me tendenca të forta agresive. Kur kaloni nëpër këtë zonë, ju lutemi lëvizni shpejt dhe mos u vononi.
Mos dilni nga automjeti juaj dhe mos u afroni për të bërë foto, dhe mos ecni kurrë vetëm në zonën përreth.”
Sipas Snow Leopard Trust, Kina është shtëpia e numrit më të madh të leopardëve të egër të borës në botë.
Vendi ka rreth 60% të popullatës botërore të leopardëve të borës, por sulmet ndaj njerëzve konsiderohen të rralla, pasi këto kafshë njihen për natyrën e tyre të turpshme dhe enigmatike.
Biologu dhe ambientalisti amerikan George Scaller kishte thënë para sulmit mbi këtë temë: “Nuk di asnjë incident të vetëm ku një leopard bore ka sulmuar dhe vrarë njerëz.” Specia, e klasifikuar tani si e cenueshme, jeton në 12 vende në Azinë Qendrore, përfshirë Kinën, Indinë dhe Mongolinë. Hetimi për sulmin e së premtes është duke vazhduar.
Top Channel
