“Nuk do e besoni”/ Studimi suedez habit me përgjigjen, ja në çfarë moshe fillojnë njerëzit të plaken

Rënia e performancës fizike, forcës dhe qëndrueshmërisë fillon të ndihet rreth moshës 35 vjeç, sipas kërkimit nga Instituti Karolinska, i cili ka ndjekur qindra individë për gati 50 vjet. Studimi ka shqyrtuar sesi zhvillohen këto aspekte të shëndetit fizik në moshë të vonë dhe si ndikohet nga aktiviteti fizik.

Përgjatë këtij periudhe, rezultatet tregojnë se forca dhe qëndrueshmëria fillojnë të bien në mënyrë graduale pas moshës 35 vjeç, pavarësisht nivelit të aktivitetit të individëve në moshë të re. Megjithatë, pjesëmarrësit që janë bërë më aktivë në moshë madhore kanë arritur të përmirësojnë performancën e tyre fizike me 5% deri 10%, duke dëshmuar se nuk është kurrë vonë për të filluar ushtrimet.

Maria Westerståhl, lektore në Departamentin e Mjekësisë Laboratorike dhe autore e studimit, thotë: “Nuk është kurrë vonë për të filluar lëvizjen”.

Aktiviteti fizik, edhe nëse fillon më vonë në jetë, mund të ngadalësojë humbjen e forcës dhe qëndrueshmërisë, ndonëse nuk mund ta ndalë atë plotësisht.

Shkencëtarët tani po vazhdojnë kërkimin e tyre. Vitin e ardhshëm, ata do të riekzaminojnë pjesëmarrësit kur ata të mbushin moshën 68 vjeç, me qëllimin për të kuptuar më mirë lidhjen ndërmjet performancës fizike, stilit të jetës, shëndetit të përgjithshëm dhe mekanizmave biologjikë që qëndrojnë pas kësaj. Ata gjithashtu po hetojnë pse kulmi i performancës fizike duket se ndodh rreth moshës 35 vjeç dhe pse, megjithëse ushtrimet mund të ngadalësojnë përkeqësimin, ato nuk mund ta parandalojnë atë plotësisht.

Në përfundim, megjithëse rënia e performancës fizike pas moshës 35 vjeç është e pashmangshme, gjetjet e studimit suedez tregojnë se ushtrimet fizike janë një investim në shëndetin tonë në çdo fazë të jetës. Edhe në moshë të vonë, lëvizja mund të përmirësojë cilësinë e jetës sonë, duke e bërë atë më të shëndetshme dhe më të kënaqshme.

Top Channel