‘Audi’ përplaset me një kamion në Itali, humb jetën tragjikisht 20-vjeçari shqiptar

Viktima është identifikuar si Klaudio Gjoka, ndërsa ngjarja ndodhi në autostradën e Rrugës Shtetërore 589, Saluzzo-Barge, pranë Abacisë Stafarda.

Siç raporton media italiane, shkak u bë një përplasje midis një kamioni dhe një makinës tip “Audi” që po drejtohej nga i riu shqiptar.

Zjarrfikësit e Saluzzo-s, të cilëve iu desh të nxirrnin djalin, karabinierët dhe shërbimet e urgjencës shëndetësore ishin në vendngjarje, informon media italiane.

Rruga u mbyll për disa orë për shkak të kaosit që shkaktoi në rrugë përplasja dhe u hap më pas.

Top Channel