Analiza nga CNN: Ja çfarë ndodhi herën e fundit që SHBA-të u përpoqën të blinin Groelandën 20/01 10:35
Kritikat e Presidentit Donald Trump mbi vendimin e Mbretërisë së Bashkuar për t’i dhënë sovranitetin Ishujve Chagos Mauritiusit nuk do të ndikojnë në zbatimin e marrëveshjes, ka deklaruar një ministër i lartë britanik.
Darren Jones, sekretari kryesor i kryeministrit britanik Keir Starmer, tha se marrëveshja me Mauritiusin është përfundimisht miratuar dhe legjislacioni për procesin është nënshkruar. Ai theksoi se kjo siguron funksionimin e bazës ushtarake amerikane në Diego Garcia për 100 vitet e ardhshme.
Jones shtoi se SHBA-të e kishin miratuar më parë marrëveshjen dhe se ligji ndërkombëtar e kërkonte një marrëveshje të tillë për të mbrojtur aftësitë ushtarake të bazës. Ai gjithashtu vlerësoi qasjen diplomatike të qeverisë britanike si më efektive përballë kritikeve dhe ndryshimeve në administratën amerikane.
Ndërkohë, udhëheqësi i Reformës, Nigel Farage, i afërt me Trump, ka dalë në mbështetje të presidentit amerikan, duke shkruar se Trump ka vendosur një veto ndaj dorëzimit të ishujve Chagos.
Top Channel
