“Kuba është një shtet i dështuar”, Trump: Duhet të bëjnë marrëveshje, Rubio po bisedon me ta 17/02 08:20
Qeveria siriane dhe Forcat Demokratike Siriane (SDF) të kurdëve, të mbështetura nga SHBA-të, kanë rënë dakord për një armëpushim të menjëhershëm në të gjitha frontet, pas ditësh luftimesh, ndërsa ushtria siriane përparon në territorin e mbajtur nga kurdët në verilindje.
Në të njëjtën kohë, të gjitha forcat e SDF-së do të tërhiqen në lindje të Eufratit.
📌 The Syrian government and the SDF terror group have reached a comprehensive ceasefire deal, following intense clashes along the Euphrates river ⤵️
• Integration of SDF forces into Syria’s Defense and Interior ministries after vetting
• Withdrawal of SDF forces east of the… pic.twitter.com/Q989Pt08Xf
— Anadolu English (@anadoluagency) January 18, 2026
Marrëveshja parashikon bashkimin e të gjitha forcave të SDF-së në Ministritë e Mbrojtjes dhe të Brendshme, pasi të kryhen kontrollet e nevojshme të sigurisë. Të gjitha kalimet kufitare dhe fushat e gazit dhe naftës në rajon do t’i dorëzohen qeverisë siriane.
Përveç kësaj, qeveria do të marrë menjëherë dhe plotësisht kontrollin ushtarak dhe administrativ të provincave kurde të Deir al-Zor dhe Rakas.
Sipas marrëveshjes, SDF është e angazhuar për largimin e të gjithë udhëheqësve dhe forcave jo-siriane të lidhura me Partinë e Punëtorëve të Kurdistanit (PKK) nga vendi.
Ndërkohë, Presidenti sirian Ahmad al-Sharaa u takua të dielën me Ambasadorin e SHBA-së në Turqi, Tom Barak dhe këmbënguli në sovranitetin e Sirisë mbi të gjithë territorin e saj.
Al-Sharaa “riafirmoi unitetin dhe sovranitetin e Sirisë mbi të gjithë territorin e saj, si dhe rëndësinë e dialogut në këtë fazë dhe rindërtimin e Sirisë me pjesëmarrjen e të gjithë sirianëve”, thuhej në një deklaratë.
Të shtunën e kaluar, Barak u takua me kreun e SDF-së në Erbil.
The United States commends the Syrian government and the Syrian Democratic Forces (SDF) for their constructive efforts in reaching today’s ceasefire agreement, paving the way for renewed dialogue and cooperation toward a unified Syria.
Two great Syrian leaders, driven by the…
— Ambassador Tom Barrack (@USAMBTurkiye) January 18, 2026
Në një postim rreth rëndësisë së marrëveshjes me SDF-në, Barak shkroi se ajo “hap rrugën për dialog dhe bashkëpunim të ripërtërirë drejt një Sirie të bashkuar”.
“Dy udhëheqës të mëdhenj sirianë, të udhëhequr nga vizioni i përbashkët për çlirimin e vendit dhe popullit të tyre nga tirania, tani janë bashkuar për të krijuar një të ardhme më të ndritur për të gjithë sirianët. Kjo marrëveshje dhe armëpushimi përfaqësojnë një pikë kthese kritike, ku ish-kundërshtarët përqafojnë bashkëpunimin në vend të përçarjes”, vuri në dukje ambasadori.
Top Channel
