Fondacioni Nobel reagon për Machado – Trump: Çmimi nuk mund të transferohet ose të rindahet, as simbolikisht

Ndërhyrja erdhi pas vendimit të laureates së Çmimit Nobel për Paqen dhe udhëheqëses së opozitës venezueliane, Maria Corina Machado, për t’ia dorëzuar çmimin Donald Trump, i cili e falënderoi për gjestin e saj.

Në një deklaratë të kohëve të fundit, Fondacioni thekson se një nga misionet e tij kryesore është ruajtja e dinjitetit të çmimeve dhe procesit të dhënies së tyre, siç parashikohet në testamentin e Alfred Nobelit.

Çmimet, thekson Fondacioni, u jepen ekskluzivisht atyre “që i kanë dhënë dobinë më të madhe njerëzimit” dhe vetëm nga organet kompetente të parashikuara për secilën kategori. Prandaj, çmimi nuk mund të transferohet, rindahet ose shpërndahet më tej, as në një nivel simbolik.

Laureati origjinal është i regjistruar në histori

Kjo e sotmja është ndërhyrja e dytë nga Fondacioni, i cili, pas njoftimit publik të Machado se synon t’ia japë çmimin e saj Trump, sqaroi se pavarësisht fatit të medaljes, diplomës apo çmimit në para, laureati origjinal është dhe mbetet ai i regjistruar në histori si marrësi i çmimit.

Statement from the Nobel Foundation

One of the core missions of the Nobel Foundation is to safeguard the dignity of the Nobel Prizes and their administration. The Foundation upholds Alfred Nobel’s will and its stipulations. It states that the prizes shall be awarded to those who… pic.twitter.com/WIadOBLtpD

— The Nobel Prize (@NobelPrize) January 18, 2026

Komiteti kishte sqaruar gjithashtu se nuk ka kufizime në statutet e Fondacionit Nobel në lidhje me atë që një laureat mund të bëjë me elementët materialë të çmimit, siç janë medalja, diploma ose çmimi në para, të cilat mund të mbahen, dhurohen ose asgjësohen sipas gjykimit të tij.

Top Channel