Paralajmërimi i Trump për vendosjen e tarifave, reagon Danimarka: Një surprizë për ne 17/01 22:59
Guvernatori i Minesotës, Tim Walz, ka mobilizuar Gardën Kombëtare për të mbështetur Patrullën Shtetërore, pas protestave që u zhvilluan të premten në mbrëmje pranë Ndërtesës Federale të Bishop Henry Whipple në Minneapolis.
Sipas Majorit të Ushtrisë Andrea Tsuchiya, Gardës i është kërkuar të jetë e gatshme për çdo reagim, por nuk është vendosur aktualisht në rrugë.
Protestat u intensifikuan pas të shtënave fatale të Renee Good, një nënë 37-vjeçare e tre fëmijëve, nga një agjent i ICE-së. Tensionet u rritën më tej kur një agjent tjetër plagosi një burrë venezuelian gjatë një arrestimi.
Një gjykatë federale ka vendosur kufizime për agjentët e imigracionit, duke i ndaluar të përdorin mjete shpërndarjeje turmash ose të arrestojnë protestues paqësorë gjatë operacionit në Minesota. Urdhri vlen vetëm për operacionin aktual dhe nuk ndikon në agjentët federalë të tjerë.
Walz i bëri thirrje publikut të qëndrojë i qetë dhe siguroi se autoritetet kanë burimet dhe koordinimin për të ruajtur rendin publik. Departamenti i Sigurisë Kombëtare tha se agjentët do të vazhdojnë të mbrojnë veten dhe publikun duke përdorur vetëm forcën minimale të nevojshme.
Ngjarjet janë pjesë e një situate më të gjerë të tensioneve në Minesota pas veprimeve të Operacionit Metro Surge dhe vrasjeve nga agjentët federalë të ICE-së.
Top Channel
