Bisedimet për Groenlandën me SHBA-në, ministri danez: Trump ka dëshirë për ta pushtuar ishullin, por kjo nuk do ndodhë 14/01 20:24
Ministri i Jashtëm i Danimarkës, dhe homologia e tij nga Groenlanda, Vivian Motzfeldt, mbërritën pak çaste më parë në Shtëpinë e Bardhë, përpara takimit të tyre me zëvendëspresidentin amerikan JD Vance dhe Sekretarin e Shtetit Marco Rubio.
Delegacioni hyri në Ndërtesën e Zyrës Ekzekutive Eisenhower, ku do të zhvillohet takimi.
Takimi zhvillohet në një moment të ndjeshëm diplomatik dhe ka në fokus çështjen e Groenlandës, pasi Presidenti Donald Trump deklaroi më herët se “çdo gjë më pak” sesa kontrolli amerikan mbi Groenlandën është “e papranueshme”.
Ndërkohë, në Uashington pritet të ketë edhe zhvillime të tjera të rëndësishme. Senati amerikan do të mbajë sot një tjetër votim procedural mbi kufizimin e fuqive të luftës së Presidentit Trump në Venezuelë. Masa u miratua javën e kaluar me mbështetjen e pesë senatorëve republikanë, por administrata Trump ka nisur një fushatë presioni për të bindur disa prej tyre të tërhiqen nga vota e mëparshme.
Po ashtu, sipas burimeve për CNN, zyrtarë të Shtëpisë së Bardhë po ia atribuojnë Prokurores së Uashingtonit, Jeanine Pirro, hetimin penal të nisur nga zyra e saj ndaj Kryetarit të Rezervës Federale, Jerome Powell. Presidenti Trump deklaroi dje se shpreson që Powell “të largohet së shpejti nga detyra”.
Top Channel
