Bisedimet për Groenlandën me SHBA-në, ministri danez: Trump ka dëshirë për ta pushtuar ishullin, por kjo nuk do ndodhë 14/01 20:24
Shtëpia e Bardhë ka dalë në mbrojtje të presidentit amerikan Donald Trump, pasi ai u filmua duke bërë një gjest fyes me gishtin e mesit ndaj një punonjësi gjatë një vizite në një fabrikë të kompanisë Ford në Detroit.
Pamjet e publikuara nga TMZ tregojnë momentin kur Trump reagon ndaj një burri që i bërtiste nga larg. Siç raporton ‘BBC’, në një deklaratë zyrtare, Shtëpia e Bardhë e cilësoi reagimin e presidentit si “të përshtatshëm dhe të qartë”, duke theksuar se punonjësi po përdorte sharje dhe gjuhë të papërshtatshme.
Sipas sindikatës United Auto Workers, punonjësi është pezulluar nga puna në Ford.
Ndërkohë, kompania ka deklaruar se nuk toleron sjellje fyese brenda ambienteve të saj dhe se ka procedura të brendshme për raste të tilla, pa dhënë detaje të mëtejshme.
Sipas raportimeve, punonjësi e akuzoi Trump-in si “mbrojtës të pedofilëve”. Në pamjet e publikuara, presidenti shihet duke iu përgjigjur me fjalë dhe duke bërë gjestin fyes.
Përdorimi i gjuhës së ashpër nga Trump ka nxitur reagime edhe më parë, njësoj si raste të ngjashme që kanë përfshirë edhe ish-presidentin Joe Biden gjatë fushatës elektorale.
Top Channel
