Video/ Iu drejtua me gishtin e mesit punonjësit të kompanisë ‘Ford’, Shtëpia e Bardhë i del në mbrojtje Trump: Ishte reagim i përshtatshëm dhe… 14/01 18:43
Protestuesi iranian Erfan Soltani mund të ekzekutohet sot për rolin e tij të dyshuar në protestat masive antiqeveritare që kanë përfshirë Iranin javët e fundit.
Në një postim në platformën X, Departamenti Amerikan i Shtetit deklaroi se autoritetet iraniane po planifikonin ekzekutimin e Soltanit. CNN raportoi se ka folur me një të afërm të tij, i cili e ka konfirmuar këtë informacion.
Sipas Hengaw, një organizatë për të drejtat e njeriut me seli në Norvegji, Soltani u arrestua të enjten e kaluar në shtëpinë e tij në lidhje me protestat në Fardis, një qytet në provincën qendrore të Karajt. Vetëm katër ditë pas arrestimit, familjes së tij iu komunikua se ekzekutimi ishte planifikuar.
Familjes së 26-vjeçarit i është mohuar qasja në çdo informacion zyrtar për çështjen, përfshirë akuzat konkrete ndaj tij, raportoi Hengaw të hënën. Motra e Soltanit, një avokate e licencuar, ka tentuar të ndjekë procedurat ligjore, por autoritetet e kanë penguar të ketë akses në dosjen e çështjes.
Një anëtar i familjes i tha CNN se gjyqi i Soltanit u zhvillua me nxitim. Ekspertë ligjorë kanë theksuar se dënimet me vdekje të përshpejtuara dhe gjyqet pa standarde të rregullta ligjore janë një praktikë e njohur në Iran.
Sipas Hengaw, familjes iu lejua vetëm “një vizitë shumë e shkurtër lamtumire” përpara ekzekutimit të mundshëm.
Një e afërme e Soltanit, në një deklaratë për CNN, i bëri thirrje Presidentit të SHBA-së, Donald Trump, i cili më herët ka shprehur mbështetje për protestuesit iranianë, që të ndërhyjë. “Populli iranian doli në rrugë bazuar në ato deklarata. Një popullsi e paarmatosur u besoi këtyre fjalëve dhe tani po përballet me dhunë,” tha ajo. “Ju lutem, mos lejoni që Erfan të ekzekutohet.”
Top Channel
