Prej ditës së djeshme, Ujësjellës Kanalizime Rajoni Fier (UKRF) ka vënë në dispozicion të qytetarëve të Bashkisë Fier 15 autobotë, të shpërndara në 4 rajonet e qytetit, për të ardhur në ndihmë të banorëve për furnizimin me ujë të pijshëm.
Në terren janë angazhuar autobotë të Ujësjellës Kanalizime Rajoni Fier, të Bashkisë Fier, si edhe disa autobotë private të kontraktuara nga UKRF.
Sipas informacioneve të marra nga Ujësjellës Kanalizime Rajoni Fier, situata po monitorohet në mënyrë të vazhdueshme.
Me tërheqjen e ujit nga puset që furnizojnë qytetin, UKRF do të nisë lëshimin gradual të ujit të pijshëm, duke monitoruar paralelisht edhe cilësinë e ujit, për të garantuar sigurinë për qytetarët.
Top Channel
