Kush ishte Renee Nicole Good, viktima e të shtënave nga ICE në Minesota/ Trump i del në mbrojtje agjentit që qëlloi: E bëri për vetëmbrojtje

Gruaja e qëlluar për vdekje nga një agjent i ICE në Minesota është identifikuar si një nënë dhe një “qenie njerëzore e jashtëzakonshme”.

Renee Nicole Good, 37 vjeçe, ishte në timonin e një Honda Pilot kur u përpoq të largohej nga oficerët që po kryenin bastisje të emigracionit në Minneapolis të mërkurën. Përplasja u filmua në video.

Ajo u akuzua se tentoi të godiste agjentët me makinën e saj, përpara se një nga oficerët të qëllonte të paktën dy herë, duke e vrarë.

Donna Ganger i tha Minnesota Star Tribune se viktima ishte vajza e saj. Ganger tha se Good jetonte në zonën e Twin Cities me partnerin e saj.

Një llogari në Instagram, që duket se i përkiste Good-it, e përshkruante atë si “poete dhe shkrimtare, grua, nënë dhe kitariste nga Kolorado”.

Ganger tha për vajzën e saj: “Renee ishte një nga njerëzit më të mirë që kam njohur ndonjëherë. Ishte jashtëzakonisht e dhembshur. Gjithë jetën e saj është kujdesur për njerëzit. Ishte e dashur, falëse dhe e përzemërt. Ishte një qenie njerëzore e mrekullueshme.”

Ajo tha se u njoftua për vdekjen e vajzës së saj të mërkurën në mëngjes.

Ganger tha se nuk besonte se vajza e saj ishte pjesë e protestave kundër ICE dhe theksoi se ajo “nuk kishte aspak lidhje me gjëra të tilla”.

Good ishte e martuar me Timmy Ray Macklin Jr, i cili vdiq në vitin 2023 në moshën 36-vjeçare, sipas babait të tij, Timmy Ray Macklin Sr. Ky i fundit tha se ishte i tronditur dhe i tregoi Star Tribune se djali i tij kishte një fëmijë gjashtëvjeçar me Good-in. Ai tha: “Do të fluturoj, për të ardhur e për të marrë nipin tim.”

Në një postim në Facebook nga prilli i vitit 2020, Departamenti i Anglishtes i Universitetit Old Dominion në Norfolk, Virxhinia, e përmendi Renee Macklin si fituese të një çmimi për poezi.

Aty thuhej se ajo ishte me origjinë nga Colorado Springs, Kolorado, dhe se drejtonte një podcast me Macklin-in. Postimi shtonte: “Kur nuk shkruan, nuk lexon apo nuk flet për shkrimin, ajo bën maratona filmash dhe krijon art të çrregullt me vajzën e saj dhe dy djemtë.”

Departamenti i Policisë së Minneapolis-it tha se oficerët iu përgjigjën thirrjes në vendngjarje, rreth një milje larg nga vendi ku u vra George Floyd në maj 2020, dhe e gjetën Good-in me një plagë plumbi në kokë.

Oficerët kryen CPR, por ajo u shpall e vdekur në një spital lokal. ICE nuk ka zbuluar emrin e agjentit që e qëlloi.

Dëshmitarët thanë se Good po përpiqej të largohej me makinë kur u qëllua, një pretendim që duket se mbështetet edhe nga videoja e vendngjarjes.

Play the video in slow motion.

It says everything.

The ICE agent, in Minneapolis, defended himself against the attempted ramming of the late Renee Nicole Good.

The ones saying otherwise are GASLIGHTING you. pic.twitter.com/GGch5iFDhy

— Arnie Hernandez (@Arnie4USA) January 8, 2026

Një banor, Aiden Perzana, tha se SUV-ja vjollcë e Good-it ishte e vendosur pingul me rrugën kur agjentët iu afruan automjetit. Shoferes iu kërkua të dilte nga makina, i tha Perzana Star Tribune-s, dhe ajo filloi të ecte përpara kur agjenti përpara Honda-s hapi zjarr.

“Dikush po përpiqej ta nxirrte nga makina,” tha ai. “Ajo thjesht po përpiqej të ikte. Nuk ka asnjë mundësi që ajo të synonte dikë. Është thjesht absurde.”

Good u vra ndërsa ICE nisi një operacion të zbatimit të ligjit të emigracionit në Minesota, që përfshinte rreth 2,000 agjentë.

Vdekja e saj ka shkaktuar protesta në Minneapolis dhe në Nju Jork, ndërsa agjencitë federale dhe presidenti Trump thanë se të shtënat ishin të justifikuara. Good “e përplasi me egërsi oficerin e ICE-së, i cili duket se e qëlloi atë në vetëmbrojtje”, shkroi Trump në Truth Social.

Jacob Frey, kryebashkiaku i Minneapolis-it, tha në një konferencë për shtyp se ICE duhet të ikë nga qyteti. Ai këmbënguli se të shtënat nuk ishin në vetëmbrojtje, duke shtuar: “Ky ishte një agjent që përdori pushtetin në mënyrë të pamatur dhe si pasojë dikush vdiq, u vra.”

Top Channel