Agjentët federalë vranë shoferen në Minneapolis/ Trump flet për vetëmbrojtje, klimë e tensionuar dhe demonstrata në qytet 07/01 22:31
Shtëpia e Bardhë përsëriti se Groenlanda do të mbrohej më mirë nga Shtetet e Bashkuara, ndërsa udhëheqësit evropianë shprehën mbështetje të hapur për Danimarkën dhe territorin autonom danez.
“Presidenti Trump beson se Groenlanda është një vendndodhje strategjikisht e rëndësishme dhe kritike për sigurinë kombëtare. Ai është i bindur se banorët e Groenlandës do të shërbeheshin më mirë nëse do të mbroheshin nga Shtetet e Bashkuara përballë kërcënimeve moderne në rajonin e Arktikut”, tha zëdhënësja e Shtëpisë së Bardhë, Anna Kelly. Ajo shtoi se “presidenti është i përkushtuar për vendosjen e paqes afatgjatë brenda dhe jashtë vendit”.
Nga ana tjetër, udhëheqësit evropianë theksuan në një deklaratë të përbashkët se “Groenlanda i përket popullit të saj”.
“Është përgjegjësi e Danimarkës dhe e Groenlandës dhe vetëm e tyre të vendosin për çështjet që lidhen me Danimarkën dhe Groenlandën”, thuhet në deklaratën e nënshkruar nga udhëheqësit e Francës, Gjermanisë, Italisë, Polonisë, Spanjës, Britanisë së Madhe dhe Danimarkës.
Top Channel
