Trump dhe Musk “shkrijnë akujt” pas përplasjes publike, darkojnë në Mar-a-Lago

Sinjali më i qartë erdhi nga vetë Musk, i cili publikoi në platformën X një foto nga Mar-a-Lago, duke shkruar: “Pata një darkë të mrekullueshme mbrëmë me @POTUS dhe @FLOTUS. Viti 2026 do të jetë i mrekullueshëm!”

Takimi, i zhvilluar të shtunën në mbrëmje në rezidencën e Trump në Florida, ka nxitur spekulime se raportet mes dy figurave të fuqishme janë normalizuar, pas një periudhe përplasjesh të forta.

Musk ishte një nga donatorët më të mëdhenj të Partisë Republikane gjatë fushatës së vitit 2024, duke kontribuar me qindra miliona dollarë. Më pas, Trump e emëroi atë këshilltar për efikasitetin qeveritar dhe krijoi strukturën DOGE, e fokusuar në uljen e shpenzimeve federale. Por Musk u tërhoq nga ky rol në mesin e vitit 2025, mes kritikash dhe polemikash.

Tensionet shpërthyen publikisht kur Musk sulmoi ashpër projektligjin e shpenzimeve të mbështetur nga Trump, duke e quajtur atë “një neveri të neveritshme”. Trump reagoi duke shprehur zhgënjim dhe duke vënë në pikëpyetje marrëdhënien e tyre, ndërsa Musk u kundërpërgjigj se pa mbështetjen e tij, Trump do t’i kishte humbur zgjedhjet.

Në kulmin e konfliktit, Musk madje hodhi idenë e krijimit të një partie të re politike. Megjithatë, në fund të vitit 2025, toni mes palëve nisi të zbutet. Ata u panë duke shtrënguar duart në një shërbim përkujtimor në shtator dhe Musk mori pjesë në disa evente zyrtare, përfshirë një darkë në Shtëpinë e Bardhë në nëntor.

I pyetur në dhjetor nëse Musk ishte rikthyer në rrethin e tij, Trump u përgjigj shkurt: “Nuk e di me siguri, por më pëlqen shumë Eloni.”

Darkë në Mar-a-Lago duket se konfirmon se marrëdhënia Trump–Musk është sërish në një fazë më miqësore.

Had a lovely dinner last night with @POTUS and @FLOTUS.

2026 is going to be amazing! pic.twitter.com/1Oq35b1PEC

— Elon Musk (@elonmusk) January 4, 2026

Top Channel