Rubio takim me zyrtarët danezë javën e ardhshme, Sekretari i Shtetit shmangu komentin mbi mundësinë e ndërhyrjes ushtarake në Groenlandë 07/01 18:06
“Presidenti venezuelian Nicolás Maduro ka probleme serioze shëndetësore që kërkojnë trajtim të vazhdueshëm mjekësor, ndërsa bashkëshortja e tij, Cilia Flores, ka pësuar lëndime të rënda gjatë rrëmbimit”, deklaruan avokatët mbrojtës gjatë seancës së parë gjyqësore në Nju Jork.
Avokatët Barry Pollack dhe Mark Donnelly i paraqitën këto pretendime përpara gjyqtarit të qarkut të Nju Jorkut, Alvin K. Hellerstein, gjatë seancës dëgjimore fillestare, duke theksuar se gjendja fizike e çiftit duhet të merret seriozisht në konsideratë nga gjykata.Disa analistë amerikanë e kanë cilësuar këtë linjë mbrojtjeje si një strategji të pritshme ligjore dhe politike. Sipas tyre, pretendimet për dhunë ndaj bashkëshortes kanë ndikim të fortë emocional në opinionin publik dhe shërbejnë për të forcuar mbështetjen e militantëve dhe simpatizantëve të Maduros.
Gjykata njoftoi se seanca e radhës në procesin ndaj presidentit venezuelian dhe bashkëshortes së tij do të mbahet më 17 mars, në orën 17:00, në Nju Jork. Lajmi u konfirmua nga mediat amerikane, duke cituar gjyqtarin 92-vjeçar Hellerstein.
Avokatët e Maduros dhe Flores bënë gjithashtu të ditur se në këtë fazë nuk do të kërkojnë lirim me kusht për klientët e tyre, duke shtuar se një kërkesë e tillë mund të paraqitet në një moment të mëvonshëm të procesit.
Cilia Flores u deklarua e pafajshme për akuzat e konspiracionit në trafikun e drogës. Ajo u prezantua në sallën e gjyqit si “Zonja e Parë e Republikës së Venezuelës” dhe, pas deklarimit formal, theksoi se është “plotësisht e pafajshme”.
Top Channel
