Në një kohë tensionesh të larta politike, ushtria kineze nis stërvitjet ushtarake rreth Tajvanit 31/12 22:51
Viti 2025 vendosi një normë të re, mjaft të papritur, të stilit të jetesës : të deklarosh hapur se je në një lidhje nuk konsiderohet më “cool”.
Sipas një artikulli viral në British Vogue, të jesh “vajzë në një lidhje” tani konsiderohet e vjetëruar, pothuajse… e pakëndshme.
Postimet publike rreth partnerit në mediat sociale kanë humbur shkëlqimin e tyre. Ato gra që përmendën në mënyrë indirekte ekzistencën e një lidhjeje e bënë këtë në mënyrë diskrete: një dorë në foto, një hije në sfond, pa konfirmime dhe pa adhurimin e së kaluarës. Siç vëren Joseph, të qenit në një lidhje nuk konsiderohet më një pohim i identitetit femëror, përkundrazi, të deklarosh veten beqare sot funksionon më shumë si një “deklaratë autonomie”.
Duke pasur parasysh që viti 2025 zyrtarisht e “anuloi” termin “i dashuri” si trend, pyetja është se çfarë do të ndodhë në vitin 2026. Cilat zakone dhe trende duket se po shkojnë drejt zhdukjes?
Fundi i epokës së influencuesve
Ekspozimi i vazhdueshëm i jetës personale në mediat sociale duket se është lodhës. Gjithnjë e më shumë përdorues po e zvogëlojnë kohën e tyre në platforma dhe po ndajnë më pak rreth jetës së tyre të përditshme.
Shishet e mëdha të ujit
Obsesioni për të qëndruar të hidratuar është i pamohueshëm, por e njëjta gjë nuk vlen edhe për… shishet gjigante të ujit. Pasi Ian McEwan e quajti këtë trend “paranojak”, gotat e mëdha Stanley dhe aksesorët e ngjashëm duket se po dalin nga moda.
Konfuzioni rreth përdorimit të ChatGPT
Ndërsa inteligjenca artificiale bëhet më e përhapur, vlera e autenticitetit njerëzor rritet. Pranimi se dikush ka përdorur inteligjencën artificiale, veçanërisht për detyra të thjeshta që mund të bëhen me pak mendim ose një kërkim të thjeshtë, pritet të shkaktojë gjithnjë e më shumë siklet.
Lodhja nga reality show-t
Mbiprodhimi i reality show-ve ka çuar në ngopje. Formatet e vjetra të suksesshme po duken të lodhshme, ndërsa derivatet dhe variacionet e tyre po shumohen pa cilësinë përkatëse.
Injeksione për humbje peshe
Viti 2025 u shënua nga një debat i ashpër rreth injeksioneve për humbje peshe. Pavarësisht përfitimeve për kategori të caktuara pacientësh, dolën në pah edhe efektet anësore: rënia e flokëve, problemet me dhëmbët, të përzierat e forta, por edhe rikthimi i peshës pas ndërprerjes. Në të njëjtën kohë, u regjistruan shqetësime rreth përgatitjeve të pamiratuara. Debati i vazhdueshëm publik rreth kësaj çështjeje duket se po mbaron.
Labubu
Kukullat plastike u bënë papritur të njohura në vitin 2025, me çmime që arritën edhe pesëshifrore. Megjithatë, popullariteti i tepërt dhe disponueshmëria në rritje duket se e kanë shuar shpejt entuziazmin.
Ndryshimi i standardeve të bukurisë
Ashtu si me trendet e tjera estetike intensive të së kaluarës, rezultati tepër intensiv konsiderohet i vjetëruar, me gjithnjë e më shumë njerëz që shkojnë deri nw heqjen e botokosit nw pjesw tw trupit, duke shkuar drejtorigjinalitetit.
Viti 2026 shpallet si një vit i largimit nga ekzagjerimi, ekspozimi i tepërt dixhital, me një theks më të madh në diskrecion, autenticitet dhe një kthim drejt zgjedhjeve më “tokësore”.
Top Channel
