Hamasi mesazh të qartë për ndërmjetësuesit e planit të paqes në Gaza: Nuk i heqim armët pa u çarmatosur Izraeli 29/12 20:40
Pasagjerët e anijes turistike australiane Coral Adventurer, e cila ngeci në një shkëmb nënujor pranë bregut lindor të Papua Guinesë së Re, do të kthehen me aeroplan në Australi, pasi përpjekjet për ta liruar anijen nga uji kanë dështuar.
Kina ka nisur stërvitje të gjera ushtarake rreth Tajvanit, duke simuluar pushtimin dhe bllokadën e zonave kyçe të ishullit, në atë që Pekini e cilëson si një paralajmërim të drejtpërdrejtë ndaj “forcave separatiste” që kërkojnë pavarësi.
Ushtria Çlirimtare Popullore njoftoi se në stërvitje janë përfshirë forcat tokësore, detare, ajrore dhe raketore, si dhe ushtrime me armë zjarri. Stërvitjet mbajnë emrin “Misioni i Drejtësisë 2025” dhe zhvillohen në Ngushticën e Tajvanit.
Sipas Ministrisë së Mbrojtjes së Tajvanit, të hënën u zbuluan 89 avionë ushtarakë kinezë dhe 28 anije luftarake dhe të rojes bregdetare që vepronin pranë ishullit. Autoritetet tajvaneze thanë se kanë vendosur sistemet raketore dhe forcat e tyre në “gatishmëri të lartë” për të monitoruar situatën dhe për të mbrojtur vendin.
Zyra presidenciale e Tajvanit i dënoi stërvitjet, duke i cilësuar ato si një sfidë ndaj normave ndërkombëtare. Ndërkohë, Ministria e Transportit njoftoi se fluturimet ndërkombëtare dhe vendase do të devijohen nga zonat e rrezikshme, duke prekur mbi 100 mijë pasagjerë.
Nga ana e saj, Komanda e Teatrit Lindor e ushtrisë kineze e përshkroi operacionin si një “mburojë drejtësie”, duke paralajmëruar se çdo përpjekje për pavarësi do të shtypet. Ministria e Jashtme e Kinës i quajti stërvitjet një “ndëshkim të rëndë” dhe paralajmëroi “forcat e jashtme” kundër ndërhyrjes në çështjen e Tajvanit.
Stërvitjet vijnë disa ditë pasi Shtetet e Bashkuara njoftuan një paketë të madhe shitjeje armësh për Tajvanin, me vlerë 11 miliardë dollarë, veprim që shkaktoi reagim të ashpër nga Pekini dhe vendosjen e sanksioneve ndaj kompanive amerikane të mbrojtjes.
Top Channel
