Dyshohet se u përfshi në një skandal me falsifikimin e diplomave, Polonia pezullon ambasadorin e saj në Francë 24/12 19:53
Një ngjarje e tmerrshme tronditi komunitetin e Tomarit në Portugali, ku një 43-vjeçar portugez, Goncalo Carvalho, vrau me thikë djalin 13-vjeçar të ish-partneres së tij dhe më pas u vetëvra.
Sipas autoriteteve, sulmuesi kishte mbajtur nënën e fëmijës të lidhur dhe e kishte sulmuar fizikisht përpara se të kryente krimin ndaj të miturit. Incidenti shkaktoi gjithashtu një shpërthim gazi që plagosi edhe një oficer policie.
Fqinji i familjes rrëfeu gjendjen e rëndë të nënës: “Ajo ishte shumë e frikësuar, e goditur keq në fytyrë. Kishte shumë gjak në duar dhe shirit plastik rreth kyçeve të duarve dhe këmbëve.”
Tragic British teen, 13, is named after being ‘stabbed to death by his mum’s violent convicted killer ex’ in Portugalhttps://t.co/fuX8svtlcV
— The Sun (@TheSun) December 24, 2025
Raportohet se 43-vjeçari ishte dënuar më parë për vrasjen e një burri, të cilin e kishte therur 35 herë, dhe kishte kaluar pothuajse 15 vjet në burg. Ai u lirua përpara kohe për sjellje të mirë.
Sipas raportimeve, Alfie Hallett kishte raportuar më parë incidente dhune në familje midis viteve 2022 dhe 2023. Pas një ndarje të prindërve në vitin 2023, ish-partneri i nënës vazhdonte ta vizitonte shpesh shtëpinë e saj.
Ekipi i basketbollit ku luante Alfie, Sport Club Operario Cem Soldos (SCOCS), i dha lamtumirën me një mesazh prekës:
“BASKETBOLLI I SKOCISË sapo u varfërua sot!!! Sportisti ynë Alfie ndërroi jetë në moshën 13-vjeçare. Ai luajti ndeshjen e tij të fundit të shtunën dhe luajti aq mirë sa dukej sikur e dinte se ishte ndeshja e tij e fundit. Do të jesh gjithmonë në zemrat tona. Pusho në paqe.”
Policia po vazhdon hetimet për të sqaruar rrethanat e dy vdekjeve dhe për të mbledhur të gjitha informacionet për këtë ngjarje tragjike.
Top Channel
