“Nuk e di a jam më një demokrat”, Hunter Biden sulmon të atin për emigracionin 23/12 13:50
Vince Zambella, një krijues videolojërash i njohur më së miri për bashkëkrijimin e videolojës së njohur ‘Call of Duty’, ka humbur jetën në një aksident me makinë.
NBC Los Angeles raporton se të dielën, ai po drejtonte Ferrarin e tij në autostradën Angeles Crest Freeway në Kalifornian Jugore, kur ajo doli nga rruga dhe u përplas me një barrierë betoni. Zambella u përfshi nga flakët e zjarri që shkaktoi makina dhe vdiq. Një pasagjer u nxor nga automjeti dhe vdiq nga plagët e marra në një spital. Shkaku i aksidentit është ende nën hetim.
Një video që qarkullon në internet kap momentin kur dëshmitarët okularë e largojnë pasagjerin nga automjeti.
Zambela ishte bashkëthemelues i zhvilluesit të videolojërave Infinity Ward, i cili krijoi ekskluzivitetin Call of Duty. Më vonë ai bashkëthemeloi Respawn Entertainment, studion pas lojërave të suksesshme si Titanfall 2, Apex Legends dhe Star Wars Jedi: Fallen Order. Një zëdhënës i Electronic Arts tha në një deklaratë se ndikimi i Zambelës në industrinë e videolojërave ishte i gjerë.
“Një mik, koleg, udhëheqës dhe krijues vizionar, puna e tij ndihmoi në formësimin e argëtimit modern interaktiv dhe frymëzoi miliona lojtarë dhe krijues në të gjithë botën”, thuhej në deklaratën e kompanisë.
“Trashëgimia e tij do të vazhdojë të përcaktojë mënyrën se si krijohen lojërat dhe mënyrën se si lojtarët lidhen për brezat që do të vijnë”, përfundonte deklarata.
Top Channel
