Në çdo episod të “Top Tech” me Mateo Kadriun zbulojmë të rejat më të fundit nga bota e madhe e teknologjisë. Me informacione dhe gjithçka të detajuar rreth risive dhe mundësive që po na ofrohen çdo ditë sidomos nga Inteligjenca Artificiale me avancimin e projekteve nga më të ndryshme.
E keni parasysh sa pak filma ka Netflix? Po, këtë problem që i shqetësonte të gjithë shikuesit, Netflix e ka zgjidhur një herë e përgjithmonë! Më në fund, ka goditur me një marrëveshje që po trondit industrinë: Netflix ka blerë Warner Bros. për 82.7 miliardë dollarë!
Kjo është një nga marrëveshjet më të mëdha që kemi parë ndonjëherë në botën e streaming platforms. Tani, Netflix ka në dorë disa nga seritë më të famshme si “Game of Thrones”, “Harry Potter” dhe gjithë universin e DC Comics. Kjo i jep mundësi të pasurojë menjëherë bibliotekën e tij të filmave dhe të bëhet edhe më i fuqishëm në treg.
Për sa i përket numrit të abonentëve, Netflix ka 300 milionë, ndërsa HBO Max dhe Discovery+ bashkë kanë 128 milionë. Ky është një hap shumë i madh përpara për Netflix, por ndoshta ky sukses ka dhe pasojat e tij. Si çdo marrëveshje e madhe, kjo do të kalojë edhe nën vështrimin e autoriteteve për konkurrencën.
Përfundimisht, kjo mund të jetë një epokë e re për streaming, me një ofertë të fuqishme që do të mund të ofrojë më shumë dhe më të mira për shikuesit!
Top Channel
