BE nuk i heq masat për Kosovën/ Transferimi i pushtetit në Veri nuk mjafton, Franca dhe Italia kundër
07/12 15:13
Ka dështuar të nis gjykimi për rastin e rezervave shtetërore, pasi në seancën fillestare mungoi ministrja në detyrë e Industrisë, Ndërmarrësisë dhe Tregtisë, Rozeta Hajdari.
Sipas avokatit të saj, Hajdari e ka ndërruar adresën e banimit, që mund të ketë rezultuar me mospranimin e ftesës për paraqitje.
Me vonesë në sallë u paraqit i akuzuari tjetër, biznesmeni Ridvan Muharremi. Mbrojtja e tij kërkoi deklasifikimin e provave.
Në seancë u paraqitën edhe dy të akuzuarit tjerë, Irfan Lipovica dhe Hafiz Gara, megjithatë seanca fillestare u shty për 13 janar.
Ministrja në detyrë, Rozeta Hajdari ngarkohet për veprën penale të keqpërdorimit të detyrës zyrtare që i shkaktuan dëm deri në 3 milionë shtetit. Për të njëjtën vepër akuzohen edhe dy punonjësit e ministrisë së tregtisë, Hafiz Gara dhe Irfan Lipovica.
Përpos kësaj, të njëjtët akuzohen në bashkëkryerje për zbulimin e fshehtësisë shtetërore. Ndërsa, afaristi Ridvan Muharremi akuzohet për ndihmë në kryerjen e veprës penale.
Ministrja me vartësit e saj në 2022 kanë kryer blerjen e mallit për rezervat shtetërore e pagesat i kanë kryer pa pranuar sasinë e plotë, përkundër që pjesa e mbetur nuk u pranuar asnjëherë.
Të njëjtët sekretin shtetëror e kanë zbuluar te Ridvan Muharremi, person i afërt me Lëvizjen Vetëvendosje.
Në këtë proces gjyqësor, si dëshmitar duhet të paraqitet edhe kryeministri në detyrë, Albin Kurti.
Top Channel
