Bisedimet për paqe në Ukrainë/ Takimi me Putin, i dërguari i Trump mbërrin në Moskë 02/12 13:28
Policia belge bastisi zyrat diplomatik të BE-së në Bruksel dhe Kolegjin e Evropës në Bryzh si pjesë e një hetimi për mashtrim të dyshuar në lidhje me financimin e zyrtarëve të ulët, ku si rezultat u arrestuan 3 zyrtarë të lartë, mes tyre edhe shefja e Diplomacisë në BE, Federica Mogherini.
Bastisjet u kryen mëngjesin e ditës së sotme dhe rezultuan në ndalimin e tre të dyshuarve. Ato u nxitën nga “dyshime të forta” për mashtrim në një vendim të vitit 2021-2022 nga Shërbimi Evropian i Veprimit të Jashtëm (EEAS) për t’i dhënë Akademinë Diplomatike të Bashkimit Evropian Kolegjit.
Ish-diplomatja italiane Federica Mogherini, e cila më parë kishte drejtuar EEAS-in, u bë rektore e kolegjit në shtator të 2020-ës dhe drejtoreshë e akademisë diplomatike në gusht të vitit 2022.
Kontrollet nga policia belge u zhvilluan në EEAS në zemër të lagjes së BE-së në Bruksel, në disa ndërtesa të Kolegjit të Evropës dhe në shtëpitë e të dyshuarve, tha Zyra e Prokurorit Publik Evropian (EPPO) në një deklaratë. Hetimi u mbështet nga Zyra Evropiane Kundër Mashtrimit, shtoi ajo.
“Para kontrolleve, EPPO kërkoi heqjen e imunitetit të disa të dyshuarve, gjë që u dha”, tha zyra e prokurorit.
Një zëdhënës i komisionit konfirmoi bastisjen e policisë në selinë e EEAS, por nuk pranoi të komentonte kur u pyet nëse ndonjë punonjës i komisionit ishte arrestuar.
“Bastisja ishte pjesë e hetimit të vazhdueshëm të aktiviteteve që ndodhën gjatë mandatit të mëparshëm nga 2019-2024 nën diplomatin spanjoll Josep Borrell”, tha zëdhënësi.
EEAS tani drejtohet nga ish-kryeministrja estoneze Kaja Kallas.
Kolegji i Evropës nuk iu përgjigj menjëherë një kërkese për koment dhe policia belge nuk pranoi të komentojë mbi rastin.
EPPO tha se hetimi, i cili u raportua për herë të parë nga EurActiv, përqendrohet në atë nëse kolegji ose përfaqësuesit e tij ishin njoftuar paraprakisht për tenderin e EEAS për të krijuar akademinë diplomatike para publikimit të tij zyrtar.
“Ka dyshime të forta se, gjatë procesit të tenderimit për programin, është shkelur neni 169 i Rregullores Financiare në lidhje me konkurrencën e ndershme. Ky informacion konfidencial në lidhje me prokurimin në vazhdim është ndarë me një nga kandidatët që marrin pjesë në tender”, tha EPPO.
EPPO tha gjithashtu se faktet nën hetim “mund të përbëjnë mashtrim në prokurim, korrupsion, konflikt interesi dhe shkelje të sekretit profesional. Hetimi është duke vazhduar për të sqaruar faktet dhe për të vlerësuar nëse kanë ndodhur ndonjë vepër penale.”
Top Channel
