Një ngjarje e rëndë ka ndodhur mbrëmjen e ditës së djeshme në Vlorë, pasi në portën e jashtme të banesës së një 63-vjeçareje ka shpërthyer një sasi lënde plasëse.
Blutë bëjnë me dije se si pasojë e shpërthimit ka pasur vetëm dëme materiale. Sakaq, po punohet ende për identifikimin dhe kapjen e autorëve.
Ndërkohë 63-vjeçarja Bakie Zoto, nëna e Gentian Zotos, deklaron se nuk ka asnjë konflikt me askënd dhe nuk e kupton nga ka ardhur shpërthimi apo për çfarë arsye.
“Vetëm jetoj. Erdhi dhe policia. Më shumë u bë tym. Jo fare asnjë konflikt. Kam kaq vite këtu në lagje. Nuk e di, jam habitur dhe vetë”, u shpreh Bakie Zoto.
Njoftimi i policisë:
Po këta specialistë referuan materiale në Prokurori pasi, më datë 29.11.2025, rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale. Nën drejtimin e Prokuorisë vijon puna për identifikimin, kapjen e autorëve dhe dokumentimin e plotë të ngjajres.
Top Channel
